大口仔入一入来
你好吖大口仔,闲话休讲打个招呼之后我要喷一轮嘴先.唔知你有无上尼个港站discuss.com.hk上面吹水呢?细佬我同几个伦迷就时不时会上去吹吓水.有时都会同班茂利重温吓八十年代既乐坛.
但系令我好鬼激气既就系一讲亲以前D唱片销量,其实就连火星人都知道阿伦以前D碟几卖得啦.但系伦迷似乎系尼方面D资料好少啵.我摷匀晒好多阿伦既BBS包括RICKYT同埋偏爱果度,都无乜具体资料.尼种情况,似乎对于阿伦尼个超级巨星来讲,有D不可思议.
就好似前一轮,有个老泥妹(阿梅歌迷来)开张帖讨论香港历史单年度销量超过40万既大碟,佢就帖晒D唱片海报同埋报纸杂志资料做证明,话<坏女孩>有尼个成绩,OK无问题,但我地亦想讲阿伦有几只碟都超过40万,比如话<爱情陷阱>等.但奈何我地手上无尼D资料.但其实无论从逻辑或者事实,甚至当时既报道,我地都够胆讲阿伦D唱片系有超过40万既.但系就因为无资料,反而比人话我地伦迷作大,吹水唔抹嘴,真系比佢地激到呕电.
我真系唔明点解网上有关阿伦D唱片销量资料甘少?虽然个个都知道佢卖得,但你点讲都无用,系都要拿D嘢证明比人睇先得.我以前有,但搬屋之后无左好多.坦白讲而家阿伦系出面D舆论唔系甘好,个个都话佢过气老饼.本来人地点讲系人地事我地钟意就得,但我唔想阿伦临老反而比D无知既人数臭个朵大口仔你明嘛?你知人言可畏啦!
所以我好想有D比如你尼D资深歌迷(又有收藏习惯)可以大家企出来,拿D热情出来,将自己有KEEP住果D旧日资料拿出来,当系还原阿伦光辉历史又好,当系大家伦迷研究都好.都系好有意义既事.你话呢? fox,您好!
真系好感激您这么有热诚地去维护有关阿伦唱片销量的问题.好,做得很好.
首先,我本身没有去那个留言板,没太清楚当时的情况,先不用太气愤,阿伦的唱片成就我相信是香港最利害的,由七十年代到今时今刻还从没间断,相信只有阿伦一人,这是谁人都知,阿梅的当然也一样利害,所以我都非常尊重她的歌迷,只要是正常的讨论,我相信是一样乐趣,也是一种交流.
偏爱兄早一个月都曾经发电邮问我有没相关的资料,我本身就好像没有具体的资料,但我可以问一下其他伦迷,他们很多也有储剪报的习惯.
再问一下这里几位重量级的伦迷,我相信有机会找到的.:) 你个死仔好嘢吖甘快回复我帖子?抵锡!
系吖,阿叔我真系比班茂利激狗死,班细既唔知阿伦几威水成日牙斩斩,班老既又揸住d同情分close埋果个去世巨星身上,搞到阿伦而家个地位鬼死甘尴尬.
所以我点解要呼吁大家post晒阿伦D旧闻或者LIST出来呢?无非就系要还原一个真实既alan tam.有d嘢,事过境迁,可以不必去追究,但有d嘢关乎原则,就点都要撑到底.为左阿伦,我地必须去甘做,如果无,甘阿伦就会临老都要成日食死猫,试问做为伦迷,于心何忍呢?
但我觉得似乎有d伦迷年纪大左,为左生计无办法维持热情,而家班细既伦迷,又成日系度吹水不知所云.正所谓求人不如求己,甘咪由自己做起咯. 0拿,甘就由我开始啦,尼段新闻,其实相信大家都应该见过,但系,当年某个超级巨星在一个午夜节目中大喷口水,讲到自己鬼死甘冤枉,无错,就系1986年啦,阿伦去澳洲开演唱会,有d人认真识得颠倒是非,成日攞果句:"果个时候颁奖典礼个个歌星都要到场,唔系连邓丽君都无面比..."来大阿伦.意思话阿伦去澳洲开演唱都可以有两首金曲,系造马.暗喻另一位超级巨星先系实至名归.
当年事后出现伦迷不忿气包围现场,更成为日后一个所谓"证据"----伦迷当年劲嘘某歌星?尼件事就甘样成文历史,所谓以讹传讹,阿伦当年无出来澄清,尼只死猫,阿伦同伦迷就背负左成20年.但实质上呢?
--------------------------------------------------------------------------------------------------------------------------------
譚 詠 麟 爆 樂 壇 頒 獎 禮 黑 幕
疑 唱 片 公 司 與 傳 媒 ? 底 交 易
【 本 報 訊 】 譚 詠 麟 昨 日 早 上 到 港 台 接 受 曾 智 華 《 清 談 一 點 鐘 》 節 目 訪 問 。 被 問 到 如 何 評 論 四 台 音 樂 頒 獎 禮 時 ， 阿 倫 （ 譚 之 昵 稱 ） 表 示 ： 「 我 側 聞 這 些 頒 獎 禮 有 事 前 講 數 的 ， 每 年 這 段 時 間 唱 片 公 司 的 要 員 會 與 有 關 機 構 的 人 士 相 約 食 飯 飲 茶 ， 為 歌 星 安 排 一 些 節 目 以 配 合 頒 獎 禮 ， 從 而 爭 取 獎 項 。 我 有 否 試 過 作 籌 碼 ？ 哈 ！ 就 算 有 也 不 奇 ， 我 不 抹 殺 有 這 個 可 能 性 。 」
阿 倫 續 說 ： 「 當 年 在 無 線 頒 獎 禮 ， 他 們 先 前 向 我 透 露 我 會 得 三 、 四 個 大 獎 ， 而 當 年 我 因 正 身 在 澳 洲 登 台 ， 來 不 及 回 港 出 席 頒 獎 禮 ， 結 果 我 在 頒 獎 禮 上 只 得 兩 個 獎 。 」
--------------------------------------------------------------------------------------------------------------------------------
由上面段说话可以证明,阿伦并无造马,反而系因为出埠演出,被减少奖项.尼个世界,唔系得你(某位巨星)识讲,你讲到天花龙凤,怕且都要问下我系点讲既.我好佩服阿伦,当年佢都受尽委屈,但佢当时无爆出来,足以证明佢先系真的汉子.而试问,如果尼d旧闻无得重见天日,世人会点样继续诋毁阿伦同埋伦迷呢? http://www.kelsar.com/~gordonlo/alan/goldaward.jpg
尼张剪报,系1988年六月或七月100fun的报道,事关金唱片由1985年因为同其他机构合作上发生问题,所以停办三年,去到1988年中先重新举行.阿伦凭借85的<爱情陷阱>同88年头的<迷惑>取得金唱片最佳销量大碟奖.
人地一张<SR'87>赢阿伦一个马鼻就可以成日拿出来吹水,什么XX争霸?????事实上尼场马拉松,阿伦去到终点的时候,果位阿生正系度埋头努力紧.讲得好听d比面你讲你系对手.唔0岩听d???呵呵....算啦..... 我突然觉得fox呢位仁兄其实系个我识得的伦迷。 原帖由 BoBo 于 2007-5-3 21:46 发表
我突然觉得fox呢位仁兄其实系个我识得的伦迷。
http://www.bihaiw.com/music/bihaiwzgr.mp3
[ 本帖最后由 fox 于 2007-5-4 03:30 编辑 ] 什麼東東,聽不到 我也什么都听不到~~不过,我进一步肯定我的猜想了. 什么情况，我发现我看不懂，你们写的语言:Q 原帖由 风之雨 于 2007-5-6 09:22 发表
什么情况，我发现我看不懂，你们写的语言:Q
看得头晕啊，不懂就帮顶:lol :D :D :D 我也看不明白，支持一下。:) 好晕,我看了好晕的对话,我去拿我的香港话大全来对照翻译下,眼睛都花了~~~~~
支持下!:L 原帖由 麟之恋 于 2007-5-15 00:46 发表
好晕,我看了好晕的对话,我去拿我的香港话大全来对照翻译下,眼睛都花了~~~~~
支持下!:L
广东口语的确很难明的.......
页:
[1]
2