阿倫團年克勤飛撲黐餐
阿倫團年克勤飛撲黐餐來源:東方娛樂
譚詠麟(阿倫)為迎接新歲，相約李克勤、黃伊汶(Emme)及影壇新人王宗堯(Greg)聯誼一番，食團年飯兼大開發財賭局，克勤笑言現在搵食艱難，所以立即放下工作來黐餐，實行慳得就慳。
阿倫每年新春必作東搞聚會，豪請旗下藝人食團年飯，趁佳節聚首一堂，今年他相約克勤、Emme 及 Greg 食盆菜，寓意個個賺到盆滿缽滿。阿倫視旗下藝人如親生仔女，特別關懷 Emme，頻頻叫她食蝦、鮑魚，令 Emme 大感窩心。
財神眷顧大派利是
口甜舌滑的阿倫大講吉利說話：「食蝦就笑哈哈，食鮑魚就包保年年有餘。」而頗受「四大唱片」公司和無線不咬弦事件影響宣傳的克勤笑說：「我一知免費有得食，拍緊 MV 都要飛撲嚟啦，依家搵食艱難，我啱啱出咗新碟，但做宣傳好難，咁嘅時勢，梗係慳得一餐得一餐。」句句有骨落地。
工作人員即起鬨開局玩「財富大轉移」測試財運，克勤指阿倫最得財神眷顧，每年飛往拉斯維加斯賭錢均滿載而歸，阿倫即沾沾自喜說：「我係去攞錢，唔係賭錢呀。」克勤又說每年都收到阿倫的大利是，最難忘一次是：「阿倫係用個篋裝利是。」
Emme 望媽咪第二春
問到眾人的新年願望？阿倫搞爛 gag 就話：「『四大唱片公司』泊到個好碼頭，好似玩牌九咁，仲有向大人說不。」見眾人聽到一頭霧水，他補充：「講笑咋，我願望係腳傷快啲好，冇踢波成半年，依家啲波癮由腳頂到上頭，再由耳漏出嚟。」
Emme 新年會全天候陪家人，問她可期望行桃花運？她反望至錫的媽咪可覓第二春：「媽咪幾個仔女都大曬，我都想佢拍拖，有個伴，我唔會呷醋。」 财神总管呀，财运还会不好？;P 阿伦今年的财运一定旺的啦
页:
[1]