蔡楓華想分阿倫身家 譚詠麟：你真係唔傻！
蔡楓華想錢銀撈亂用 阿倫：你真係唔傻！來源：文匯報
圖：■蔡楓華與阿倫在台上妙語如珠。
香港文匯報訊 一連3場《全心支持蔡楓華演唱會》前晚於九龍灣StarHall開騷，蔡楓華在演唱會上先後換了6、7套歌衫，努力減肥下穿起名師設計型了許多。譚詠麟(阿倫)來做嘉賓，阿倫戴上黑超模仿蔡楓華的造型現身，全場興奮叫囂。他笑問蔡楓華似不似，又即場學蔡楓華Chok樣，笑說：「我跟唔跟到你，你Chok個樣?睇下。」蔡楓華笑說：「你在場，唔夠你Chok，你走就Chok過你！」阿倫繼續發揮搞笑本色，說：「我聽到謠言，話現在頭五行都是醫生，我睇落都唔係呀，佢好人好者，說話有紋有路，唔使啦。」
蔡楓華說小時候視阿倫為前輩，阿倫即說：「我永遠25歲，你永遠24歲好啦，咪搞亂我檔攤。」接著，蔡楓華謂1986年選男歌手獎，他應阿倫要求投他一票，阿倫笑言因此來答謝他，他又說當年9個候選男歌手，只得他未曾於紅館開演唱會，只在QES(伊館)開騷，阿倫仲做過嘉賓。阿倫笑言：「伊利沙伯醫院開演唱會？伊館呀，我們藝能幫你開的。」
蔡楓華問阿倫如在紅館開個唱會否擔任嘉賓？阿倫說：「唔係我話事，會畀人噓。」蔡楓華說：「唔會噓，譚詠麟的Fans都變成我的Fans，我的Fans變譚詠麟的Fans。」阿倫說：「沒所謂，撈亂用啦。」蔡楓華即笑言：「最好你的錢都撈亂用。」阿倫聞言忍不住笑說：「嘩，你真係唔傻！」盧敏儀說其實今次是阿倫主動要求幫蔡楓華的。
重踏舞台的蔡楓華全晚滔滔不絕，樂隊起音樂他也不理，還說：「唔好起住，呢度係我地頭。畀機會我同歌迷講下，開演唱會無罪，紅館開都無罪。」他對台下大名娛樂老闆林建名說：「當年在韓國表演遇上林建名先生，林生叫我回港找他開騷，我唔識做，無搵到，今次林生你做不做紅館？如果蝕本，我蔡楓華不收歌酬都同你唱，我和我的歌迷的心願是在紅館開騷，一場都好，實現我們的心願好唔好？全場見證呀！」現場歌迷齊歡呼和應 。他又稱：「自己都算係80年代天王巨星，唔係我點可爆3場？因為多Fans，主辦?唔夠場，唔係一定再爆！爆！爆！」
因堅拒致歉被封殺
大會安排盧敏儀與他深情對話環節，重提蔡楓華於1985年一句「一剎那光輝不代表永恆」令事業陷入低潮，蔡楓華說：「當時說罷這句之後還有話想說的，但被盧敏儀打斷已說不到，便衰了。」他又說當年有人叫他說聲對不起，否則不能繼續在圈中立足，並會開除編導。但他堅拒致歉，因他覺得對所有人不公平。他形容過去10幾年生不如死，自己也不明原因，又無做壞事，個天要咁做都無辦法。盧敏儀說：「在籌備過程中感受到人間有情，大家在拯救阿Ken(蔡楓華)！」蔡楓華說：「我要澄清，全香港係支持蔡楓華，唔係同情蔡楓華。」他指自己的歌迷許多都已結婚，仔大女大，而未嫁人的……他指著自己笑言：「呢度有個anytime available的。」蔡楓華全晚唱自己的名曲，熱情的歌迷兩度安哥，他唱到11點25分散場，有歌迷仍不肯離去，他的家人都有來捧場，但不肯亮相。
蔡楓華唔傻分阿倫身家
來源：東方娛樂
圖：阿倫一身黑衣，戴帽戴眼鏡，笑言要配合阿Ken的造型。
樂壇校長譚詠麟（阿倫）現身蔡楓華（Ken）的演唱會，親證阿Ken精神無異，蔡楓華更打蛇隨棍上，chok住要同阿倫撈亂使錢，難怪阿倫說：「你真係唔係傻架噃！」
再戰樂壇的蔡楓華在Star Hall舉行一連三場演唱會，前晚他共換了四套衫，全晚黑超、帽不離身，開場時表現緊張的阿Ken，甩嘴唱錯歌詞，但之後他愈唱愈順。阿Ken更邀得校長阿倫擔任表演嘉賓，一身黑衣人打扮的阿倫戴上眼鏡，笑言配合阿Ken造型，兩人合唱《酒紅色的心》。
五行打後係醫生
阿倫要阿Ken擺個chok甫士，他笑說：「我成日見你喺活動都擺chok樣。」阿倫表示今次做嘉賓有個任務：「有人同我講頭五行打後嘅全部係醫生嚟，依家我幫你澄清，你講嘢有紋有路，好人好姐，邊有嘢啫。」阿Ken談到第一次在「QE」（灣仔伊館）舉行演唱會，阿倫即抵死笑問：「吓！喺醫院？」
從未試過在紅館舉行演唱會的阿Ken，整晚多次提到紅館，恨在紅館開騷恨到開口叫林建名幫他完成心願，還說：「如果蝕錢，我蔡楓華唔收錢。」更打蛇隨棍上邀阿倫做他紅館嘉賓，阿倫說：「唔係話嚟就嚟，我驚畀人噓。」阿Ken即說：「我啲fans即係你啲fans，你啲fans即係我啲fans。」阿倫笑言不介意fans撈亂，點知阿Ken反應極快說：「我都想同你啲錢撈亂使。」阿倫即笑說：「你真係唔係傻架噃！」令人捧腹大笑。
自詡80年代巨星
阿Ken在台上指過去發生很多事，但做人不能夠向後望，要向前看，他又以「生不如死」來形容過去十年的奮鬥史：「最緊要有顆善良心，上天都畀機會自己，全香港支持蔡楓華，唔係同情蔡楓華。」他坦言開演唱會為名譽、地位及尊嚴，他說：「衰衰哋都係80年代巨星，依家唔會話自己係歌星，只係小小歌手。」最後演唱會在兩度「安哥」後完騷。 同龄人的感叹啊
页:
[1]