譚詠麟(阿倫)前晚在個唱中讀出歌迷的信，由於信中內容講及很多父母將時間全放在子女身上，有歌迷即大叫「你都慣啦」，點中死穴的阿倫即反擊笑指歌迷多事。而不時忘記歌詞的阿倫，舞台經驗豐富，竟以雙語演唱過骨。
阿倫合共八場的演唱會前晚於紅館開鑼，邀得 Mr.、女樂手及女和音合唱，阿倫全晚換上多套靚衫，當中一件更是螢光橙色，非常搶眼，阿倫愈唱愈 high，最終唱到十二點被罰五萬元，encore 前的阿倫抵死說：「呢個係法定時間，唔使擔心，90 分鐘後有加時同射 12 碼，要睇大家嘅表現喇！」
兩度甩嘴
為配合個唱主題「再度感動」，開騷前收集歌迷的「感動信」，阿倫讀出其中一封說：「小朋友一出世，父母就會冇曬私人時間，全部時間畀曬仔女。」台下有歌迷大叫說：「你都慣啦！」阿倫即說：「多事，大人講嘢唔好嘈。」經常忘記歌詞的阿倫唱到《半夢半醒》時兩度甩嘴，又突然唱國語版，他死撐說：「我都覺得奇怪點解會記得曬歌詞，依家真係唱出水準喇，係指定環節。」
囝囝捧場
阿倫接受訪問時大方透露囝囝譚曉風低調捧場，他說：「大家唔會影到架喇！(《欠了你》唱畀囝囝聽？)唱畀天下父母聽。」對於發生甩嘴事件，阿倫繼續死撐說：「首歌有幾個版本，國語部分我冇甩同冇錯。」
Archiver|小黑屋|手机版|网站简介|版权声明|联系方式|譚詠麟“你知我知”国际网络歌迷俱乐部 ( 沪ICP备16048138号-1 )
GMT+8, 2024-4-27 14:49 , Processed in 0.014138 second(s), 17 queries .
