风尘仆仆二十五载...饱经风霜譚詠麟!!

ortega

男：...如果有一d我唔记得，我(言念)谭咏麟都可能唔记得。
女：呢d就叫做架势堂。
男：校长。
ALAN：我话比你听唔记得既，真系唔记得。
男：我地**时发觉原来入边好多头先都miss左既。
ALAN：唔齐既。
男：估都唔齐。
ALAN：有些地方羅过来做re-package过既呢，就更加唔知。
男：咁日本头先得一个。日本呢个你知唔知，因为日文呢...
ALAN：呢个系...呢个我名来架。アランタム。真系好笑。写啊，我韩文都写啊。写比你睇哪，有口诀既。“0卜二，二卜L，二卜口”，o拿，呢个就系ALAN TAM。韩文好难架，有圈有格仔。
男：韩国果阵时你同赵容弼架嘛。
ALAN：赵容弼同我有五首歌，我数过好似。《朋友》啦，《朋友》唔系。佢既《朋友》即系《爱在深秋》，《火美人》，《知不知》，“哎呀哎呀哎呀喔”啦。
男：《冬之寒号》。你填词既，我记得。
ALAN：系。
女：《傲骨》系唔系啊？
ALAN：唔系，《傲骨》系我自己。
女：我净系记住d特别d既，《傲骨》。
男：但果时你去韩国，日本。果时韩国同而家韩国有咩分别？
ALAN：果阵时韩国冇食果d野。而家d好食好多wor。
女：另外个问题，我都想同阿伦分享食既。因为你真系好识食同好钟意食。
ALAN：韩国我系o岩o岩对上一次世界杯发现既。原来韩国有一只“咸蟹饭”。佢羅只蟹热过既。我压餐饭，成餐饭都热辣辣。原来将d饭摆落蟹壳度捞起d膏。而家(言念)起都流o西口水了。
男：但你以前冇食果d。
ALAN：以前我初初去拍《假如我是真的》果陣時，80年...

女：不斷都係人參燉雞下麻？
ALAN：最叻都係人參燉雞。朝早我食飯，食到好飽，因爲成日d體能。夜晚返來已經冇物精神再食野了。想食點肉都冇。一人配給兩片肉。系好似一個郵票咁大封。

男：点解冇野食到咁呢？
ALAN：唔知啊。d人食d泡菜啊。果阵时可能大家都刻苦d。
女：可能韩国烧烤都未普及tim wor。
ALAN：果时梗系有啦。但我去济州岛乡下地方拍戏。
男：咁返去再做唱片宣传时呢？
ALAN：好多野食。好正啊。果时韩国起飞，食物起飞。
男：而家就咩起飞，返番转头香港tim啦。我地讲乜先哪？
ALAN：你讲d教人讲广东话果d。
女：咦你有听咩？
ALAN：梗系有啦。好鬼抵死啊。
女：咪住，你记得d系乜野呢？你记得佢地教d咩无谓野？
ALAN：无谓野边度记得架？
男：你唔好考佢记性先得架。
ALAN：最大考验。
男：最大考验记性。今日我地预备d傻瓜问题，都会用傻瓜问题考你既。知你d细眉细眼野。
女：唔系考既，系同你有d切身既。
男：大家识左你好耐啦，但有d细眉细眼野唔知既。
ALAN：著咩色内裤果d。
女：系呀。就系呢只啦。
男：我地三十条小问题。有d比内裤更无谓既。准备黎了wor。
ALAN：好，黎。

男：第一条问题，你最唔钟意食咩呢？
ALAN：蒜头，一粒粒既蒜头。蒜蓉都得。但一粒粒既蒜头，煮(食送)果d，食左做闷想呕。
男：荞头食唔食得？
ALAN：荞头？同蒜头有咩分别？酸果d啊？食，果d食。生蒜果d一粒粒，同埋熟既都唔得。蒜蓉就得啦。
女：蒜子炒牛肉果d。一大粒咁。
ALAN：唔得既。食左就会呕。
男：呢个“食物焚化炉”名要除下了，原来有个焚化炉焚唔到既。系粒蒜头。
ALAN：有死穴啦。

男：第二条，最近睇本系咩书呢？
ALAN：“大胜”。
男：《大胜负》，点解呢？
ALAN：《大胜马经》。最近期既。
男：果本野销量大增。有冇斩获？
ALAN：我净系羅d资料。
男：哦，即系唔听佢d。
ALAN：我系怡情架嘛。你冇人相信我赌得咁细既。
女：你唔好同阿叻比wor。
ALAN：我真系好细。十蚊廿蚊注。大注就卅蚊，中注就廿蚊，细注就十蚊。如果我睇你tips，不如唔好玩。用自己既眼光同自己既计算方法架嘛。
女：咁赢过最劲一次几多钱？
男：你唔好话十蚊。
ALAN：果时未有三T，我赢过一次一百七十几万。我中左五分之二。
男：咩叫五分之二？
ALAN：夹份lor。
女：即系五份你夾兩份落去。
男：你當呢個係一個勢藝要成日睇住啊？
("勢藝"係廣東話, 指喜好之類)
？
ALAN：我唔会成日睇住既。
男：如果成日睇住就唔使睇《大胜》了应该。
ALAN：而家d好犀利，入o西电脑啦。
男：系，计算。我有时听佢地讲都几犀利既，佢地专业既程度。有个马评家，好犀利wor。我有留意。因为佢犀利既地方，佢真系背o西d马果d阿爸阿妈啊。
ALAN：呢d羅出来吓人既jet。

男：听住第三条问题，屋企里面最无聊既摆设系乜野呢？点解有个摆设，自己有时都问自己既。
ALAN：系個燈蓋上面有個鞋盒既，有個月餅盒。燈罩果度，呢個系我老豆擺系度既。成日見到都好無聊既。點解擺樣野度呢？你知老人家好鍾意一盒二盒架嘛。
ALAN：個冰格入面有對鞋。你唔信啊，系真事來既。我同志偉系臺灣試過新藝城做宣傳，無端端有一日，突然間我唔知做乜野，將志偉對鞋塞入冰格，果時大家仲唔系好熟果d。
男：對鞋而家仲停系冰格個位置。好，跟住系，你自己最古怪一件衫系點架呢？
ALAN：乞兒裝。
男：好古怪咩？
ALAN：果陣時可能冇人受到。可能唔接受得到。
男：系咩時期既乞兒裝呢？
ALAN：86年。我去完歐洲world tour。果時最興乜野呢？鴨尾裝。果時啊哥哥全部都未梳既。
女：我地好記得你個...
ALAN：我著乞兒裝，梳個鴨尾頭，一番黎出左一次渣啊。鬧幾個月wor。幾咁誇張d人。

女：呢个闹得劲过《无边的思忆》我记得。
男：《无边的思忆》点样唔记得。
ALAN：半边炸呢只，半边直既。
女：我最記得個music video，行條斜路加麻，阿倫就系呢度行出來咁樣。


ALAN：《无边的思忆》只可以留到六日jet。每一日出街都被人闹。“哇你做咩事，受咩刺激啊？屋企有野啊？”跟住我终于向现实低头啦。整返直，跟住就见返d人笑容啦。打完左光复。
男：识返笑。讲开你发型，果次最惊了算自己都。
ALAN：系。其实个鸭尾装都几有型。后来好多人。我只不过行先人两年。佢又行先啊？
男：我成日著果d都笑我wor。我地太前了，佢地唔会明白。跟住下一条，第五个问题，我有排问了。你唔钟意被人掂身体边一个部分呢？咦，好似全身都被人掂既bor。
ALAN：...
女：佢(言念)紧如果答左果个，咁其他都钟意。
男：怕唔怕拮呢？
ALAN：我怕拮既。
男：怕拮即系怕女人。
ALAN：系，好鬼惊既。
男：咁系咩呀？
ALAN：咩呀？...果度lor。
男：第六条，最近成日哼住既歌系咩呢？
ALAN：《披着羊皮的狼》。因为呢只歌要成日up住既，成日惊会唔记得歌词，成日有演出的机会。
男：《歌者恋歌》都要既。
ALAN：开始哼埋呢只了。
男：最记得既一个fans叫咩名？
ALAN：肥萍。
女：一定系佢。
男：答其他都嬲。
ALAN：肥萍如果你听到记得食药啊。
男：冇事嘛？
ALAN：小事黎既。
男：食药就冇事。好啦，第八条。
女：而家先第八条。唔惊。
男：下个礼拜再上过来。第八条，小学同边个同学最老友？记唔记得？
ALAN：小學唔記得，中學得唔得啊？小學都有既，叫做...雖然我成日噠佢既。叫潘福生啊。可能聽到既。
女：佢而家做紧乜野呢？
ALAN：以前佢爹地做巴士公司既。同我咁老友呢，成日可以搭巴士既。佢爹地叫潘光啊。
男：记得咁犀利？
ALAN：好熟d人，全部都记得，无形既。
男：果阵时系既，因为果阵时家属可以唔使钱，果时冇证唔好乘既。你上巴士讲家属，跟住讲爸爸名就可以上车。
ALAN：高人黎左，闪下闪下。
男：冇理佢住啊。第九条啊，下次旅行想去边度呢？
ALAN：欧洲啊。
男：点解呢？
ALAN：我记得一个地方滑雪滑得好开心，想再去果度。
男：果度系？
ALAN：里昂。
男：我地去到***？好似包括《大乘？经》我以为系中国d名著。第十条，你个闹钟系点响既呢？
ALAN：....，真系wor，因为系电子黎架嘛，...，你按左之后会再响既wor。你起身搞个制先会停，好鬼乞人憎。
男：三十条暂时问到十条。抖抖先，听歌。仲有二十条。

[此贴子已经被作者于2005-5-8 12:56:50编辑过]

ortega

男：我问ALAN，呢d就计红馆了，大家有得睇啦，*得到啦。二百几场。走埠啊，登台啊，全个地球tour，全个中国tour...
ALAN：宇宙啊
男：火星啊果d，你有冇计过自己几多场呢？
ALAN：真系计唔到。
男：冇理由既。
ALAN：公司都会计漏。
男：大约呢？
ALAN：大约啊？我系大陆做果d都过百场。即系球场来计，唔计室内wor。
男：要搵个人专做呢件事wor。
ALAN：一定要。
女：有冇兴趣请下我啊？帮你计下。
ALAN：咦？细心d wor。
男：我都话佢左右门神 - 肥萍同矮仪啊。
女：肥萍而家就响左名啦。而家到肥仪接棒啦。
男：你左右双煞。细个俾阿妈打多d定系俾阿爸打多d呢？
ALAN：阿妈。
男：读书的时候“我的志愿”系想做乜野呢？
ALAN：做皇帝。做唔到皇帝做歌手lor。
男：做影帝lor。情愿生痔疮定系香港脚呢？
ALAN：生鸡眼得唔得啊？
女：唔得，唔俾。
ALAN：香港脚要擢，痔疮要点嘛？
男：香港脚****，但生痔疮留唔到人lor。
ALAN：痔疮系咪流血架？好麻烦既。宁愿生香港脚lor。
男：十四，钟意饮罗宋汤定白滚汤呢？白汤定红汤？
ALAN：罗宋汤。
男：十五条，你钟唔钟意跳舞呢？
ALAN：啊？一时时。
女：几时最钟意呢？
ALAN：几时啊？温拿果阵时lor。
男：第十六条，你系女仔既话，你估英文名会叫咩呢？而家你系女仔既话。
ALAN：我系女仔既话...唔知，可能叫返ELLEN都未定。
男：都有都有。第十七条，返到屋企第一样野你会做乜野呢？
ALAN：返到屋企啊？开水喉，浸缸。无论夏天冬天都系咁。
男：第十八条，去卡拉OK，你有冇去卡拉OK架？
ALAN：少。
男：OK，咁呢条唔问了。第十九条，最近最唔想见到边个呢？
ALAN：最近啊？最唔想见到克勤住。因为要做野既。
男：第二十条，除左二十五之外，你觉得自己最应该系几多岁呢？
ALAN：廿五对lor。
男：第廿一条，最讨厌身体边个部分呢？
ALAN：冇(言念)过wor，而家要(言念)啊？最讨厌...个口啦，食太多野，成日要减肥。
男：廿二条，你最核突既花名叫乜野呢？
ALAN：...
男：第廿三条，你有冇蛀牙既呢？
ALAN：有wor，以前。而家冇了。
男：廿四条，屋企有冇外籍佣工呢？
ALAN：有。
男：个外籍佣工最叻讲乜呢，中文？
ALAN：阿sir。
男：阿sir，叫你啊？个个都有自己一套架wor。个个外籍佣工叫自己老板都唔同既wor。我个叫老细啊。睇报纸睇咩版先呢？
ALAN：新闻。
男：廿六，屋企d碱液系咩味架？
ALAN：碱液？香味lor。
男：咩香味呢？
ALAN：花香味。
男：廿七条，d奖项放o西系边度呢？
ALAN：一个柜入面，有灯射住。大部分都系货仓不过。
男：第廿八条，觉得自己最蠢系边样野呢？
ALAN：太耳仔软啦。
男：哦，好容易信人听人。第廿九条，今晚最后摆入口系乜野呢？o岩o岩头先。要掠出来了。
ALAN：冇掠过。
男：三十条，最后一条问题了。系演唱会，宁愿唔记得歌词呢，定系女dancer走光呢？
ALAN：我梗系宁愿唔记得歌词啦。
男：都锡住女dancer。好，三十条问题问完。如果有d问题，包括你自己都唔知，记得(言念)清楚wor。返去可以睇下嘛，譬如碱液系咩味道。d迷哥迷姐可以记住d小问题啦。
女：下次见到阿伦既时候问lor，“闻左未呀究竟？”。
男：“你最憎我摸你呢度啊？”今日苏民峰都有埋黎啦。今日因为ALAN系度啦...
ALAN：你真系惊警wor。董生果个。
苏：睇唔到自己我原来咁惊警既。
男：董生点嘛？
苏：董生而家有运行了嘛。佢唔出声就有运行了。
男：会唔会留返俾d官员讲呢？
苏：咁都o岩既。
男：佢留下既官员边个有运行呢？
苏：咁我又唔记得wor。你知d记者，问衰野唔问好野架嘛。有几个冲太岁咁就差d了。旧年犯太岁果两个就最**了。
ALAN：今年同鸡有关果d全部都犯太岁。
苏：官员好奇怪，官员冇属鸡既wor。属猴旧年果两个真系踢o西脚，俾人*住果两个属猴既wor。好奇怪。
ALAN：属鸡就犯太岁啦。果d咩生鸡眼啊...
苏：果d都犯太岁啦，鸡眼医生好生意啊今年。
男：今日我地将会问d问题问ALAN既。咁问返乜野呢小仪？
女：问返你好想问ALAN既问题啦。譬如头先关于事业上面既野啦，如果譬如ALAN佢唔做歌手，做生意得唔得啊？
男：我最想问既，ALAN出生到而家啦，苏师父，究竟佢整体上...
ALAN：d字我想睇下都唔得wor。好绕wor。
苏：呢个金字，呢个人字，你要识果d甲乙丙丁。
男：整体上点先？
苏：整体上因为个命格原来出生年系财支，坐住个财。成日都系做artist，或者好红既人呢，佢最着数共通点原来叫“夫妻宫坐财星”，一生能得异性之助，逢女人都有帮助。你做演艺界果d，譬如男人有女fans，女人有男fans。
ALAN：即系sex appeal，系唔系咁解呢？
男：边几年既sex appeal最劲呢？
苏：最劲一个就系二十五岁前，第二个就系三十五至四十五。
男：即系果段既sex appeal最劲。
苏：反而壮年最当旺三十五，二十五至三十五就最少wor。
男：好失望。
ALAN：我知，果时融入大家度，温拿果度嘛。系唔系？
男/女：哦......唔系。
女：廿五岁前呢sex appeal好强既。但廿五至到三十五就弱。咁果个唔系温拿时代。
男：我今日羅左你d唱片，佢d出版日期。大家可以计得熟d。我记得果时大家最疯狂最疯颠呢系85年《爱情陷阱》，抢张poster。全港大家抢张poster，85年啦。
ALAN：84wor。其实讲埋83lum出黎，《雾之恋》果时lum出来。84就系《爱的根源》了嘛，《爱情陷阱》85。
男：你觉得收成其实85，但lum就系83开始。就系《雾之恋》《爱的根源》开始。
ALAN：《爱情陷阱》，跟住《暴风女神》果d lor。
男：lorelei之后果d啦，咁我地听下o岩唔o岩八几年时候。
苏：佢最着数原来四同五就一生最重桃花，桃花姻缘运。
男：即系84，85果d。
苏：佢就74，75，84，85，94，95，04，05都系最重桃花既。咁原来重桃花来讲呢，因为桃花又代表男女关系嘛，又代表人缘好。做呢行特别着数啦如果人缘好。其中之一个wor。原来佢有另外一个个人高峰就0同1既。80，81，90，91，2000，2001。
ALAN：81羅影帝啦。
苏：所以着数，佢有两只高峰。
ALAN：系？甄妮都有wor。
男：男歌手你就有两只高峰。
ALAN：你对峰都好有研究。
男：所以叫“民峰”嘛。如果咁讲法真系o岩wor，84，85重桃花既。
苏：佢唔止既，佢0同1，4同5，加埋猴同鸡就最巴闭了。
女：咦？咁今年同埋旧年咪系lor？
苏：冇错。头先我讲80，81，咁有0同1了嘛。原来80即猴，81就鸡wor。个人高峰之中既高峰lor。
男：即系80，81啦。
女：旧年同今年。94，95亦都系猴同鸡lor？
ALAN：果时唱歌冇白唱既。摆个阵来唱。
男：你《忘不了您》都系81年开始啦。去台湾拍戏lor？
ALAN：《弹起来》lor。
男：《弹起来，唱起来》果张唱片lor。又o岩wor。咁而家跟住几年点呢？上年同今年两年，今年鸡年，呢两年都要唱歌。
苏：冇错冇错。肯定忙到**。尤其是2004，因为04嘛，又系驿马年，周围走lor。咁05年都系忙既年。
ALAN：有几个月呢，得四日五日系香港。忙到咁，我都唔知做乜。
苏：点算哪？05继续wor。
ALAN：啊？！
苏：唔使走得咁辛苦，都系忙wor。
男：点解唔休息呢？
苏：冇既冇既。佢近期，如果我用我既判断计呢，原来佢四十五至五十五，之后就一路唔同既运。
ALAN：四十五五十五咩年啊？
苏：一路都系懒既运啦。原来而家开始五年就系特别忙既运。
ALAN：我以前都叫懒架啦？好鬼勤力既。
苏：但而家五年就非常之忙既运。
ALAN：...之前就抖下气啦。
男：今年开始就五年好忙啦。
苏：系啦。而家系第一年开始tim。
女：哇？旧年都未最系啊？
苏：旧年系开始既时候，跟住keep住五年都系咁样既。
男：咁你个planning跟住五年有乜忙呢？
ALAN：我唔系好知既。
苏：唔知系o岩既。知系错既。冇人知发生咩事，佢要来就来既了嘛。
ALAN：呢d讲到o岩既，要(言念)(言念)下，哦系咁既。
苏：我地自己都唔知。我地只知行唔行运，点行呢？根本答唔到你。
男：有冇d新野你想搞啊？
ALAN：所以咪话lor，呢几年我全部d钱系辛苦钱黎既嘛，大家你唔好眼红我。
女：即唔系坐系度无端端就有钱。
苏：我都觉得几辛苦既，唔系讲笑。佢呢五年真系辛苦既年。
ALAN：其实我细个时d人就话我，命生出来呢，搵好多钱既可以，但好辛苦。我话“系？搵得到钱就唔辛苦了。”
苏：搵得到钱就好辛苦，你唔同做生意果d人嘛，真系做大左可以唔返工。唔得架嘛我地。
ALAN：我系好踏实啦？每一下都系？
苏：就系*踏实了。
ALAN：唉...
男：咁做生意呢？
苏：得，*多d钱就自己赚多d，***就行衰气lor。除非一路*女人啦。
男：喂小仪，佢做过咩生意呢？
女：当年我最记得就系做过石油气生意了。
ALAN：石油气唔*哦，石油气我赚既。
苏：火黎既。火好d。
ALAN：目前我做木材生意。
苏：你个名利木利火既其实。就忌金忌水既。
女：忌金忌水系咪火锅呢？金同埋水既。
ALAN：都开十几间wor，加加埋埋。
男：买火见火既嘛。
苏：火锅其实系热既。因为佢虽然好多水，但你日日要煮熟果d水呢，你可以当热既嘛。其实火唔系真既火，系热既野，或者电既野。
ALAN：咁属于好唔好？
苏：好既好既。
ALAN：o岩我既？
苏：o岩既。
ALAN：咦？再开火锅店！
苏：你个名唔系好利做生意。
ALAN：自己做，唔好夹人？夹女人？
苏：一味只女人。
ALAN：开女人火锅店！
苏：唔准男人来帮衬。
ALAN：化o西妆先得。化妆埋门口。(？)
苏：侍员男人扮女人一定要。
男：侍员全部系女人哪？香港是非咁。
ALAN：d太好钟意...，每日跷起只脚，跟住*件披肩，件(衣娄).
男：总之就唔使郁果d啦。总之冇人食野架啦。开女人火锅店，边个要同你食野？
女：咪系。
男：咁讲法佢而家忙，忙到几时啊？
苏：仲有五年忙lor。2010之后就行五年唔使搵都来钱既年。代表到时唔做野，定系做生意。
男：我成日都觉得苏民峰系口上面讲果d artist，明星呢。我要企高d先得。
ALAN：好有压迫感而家。
男：谭咏麟，五年之后，一零年之后，仲坐系度仲有好多钱。
苏：系。
男：咁有几多钱呢？
苏：我点知jet？计唔到既嘛。
男：五年之后仲有好多钱，佢而家已经有好多钱了wor。
苏：但有时d钱人系一升一升碌住黎既嘛。有时d人就会停既嘛。每个人唔一样既。
男：咁我d钱几时到？
女：点解唔可以碌住碌住系我果d呢？
苏：点解我唔系首富呢？
男：系啦，我正想问你。
苏：唔可以问。
ALAN：有时真唔可以问。
男/女：你梗系咁讲啦。
ALAN：喂，我d系辛苦钱黎既wor！
女：我想系红馆开演唱会架。
男：不过你冇可能既小仪。好啦。讲辛苦我想问问佢后生既时候辛唔辛苦呢？十零岁时辛唔辛苦？
苏：如果你问我佢最辛苦其实二十岁前。就冇咩辛苦了之后。
男：二十岁前辛唔辛苦啊，ALAN？
ALAN：好辛苦。真系辛苦。果阵时系辛苦到，曾经有段时间果d学费都交唔到出。
苏：会啊。原来你一生的衰运系十五岁前，跟住就行完了。
ALAN：系？咁犀利？系唔系真系架？
苏：有时系咁架嘛。有时都行六十年运既。咁咪十五岁前行完lor。
男：有几衰呢？果阵时最衰。
ALAN：都五蚊学费都交唔出来仲唔衰？
男：咁点算啊？
ALAN：借啊我老豆。我(言念)系呱？
苏：佢(言念)到计了。
ALAN：佢唔会出来讹讹骗骗，唔会杀人放火既。谭江柏谭火仔，虽然系火系大d，但佢唔会打家劫舍。
男：咁直到几多岁之前，十五岁之后果段期间发生咩事呢？突然间好d wor。
ALAN：我地生性lor。
男：温拿系几时？几多岁开始？
ALAN：咦，系wor，果时识温拿d人了。其实我十六岁果时开始已经搵钱了。点解呢，因为我地去party嘛。我所有乐器都系自己赚返黎架其实。其实果阵时已经开始赚钱了。我十六岁卖百科全书，暑期工。
苏：同而家查唔多既，辛苦得财。做一单收一单。
女：辛苦但系搵到既。
ALAN：系呀。多劳多得我成日挂系口边既所以。系唔系先？
男：今年都系多劳多得年啦。
苏：04，05都系，好忙。
男：系呀，大家都系啦。譬如你发觉自己做sales又好，做保险都系啦。
苏：果d系多劳多得既嘛。
男：你做一份羅一份，脚踏实地最好啦。唔好成日(言念)埋o西其他果d啦。
苏：唔系。但有d人有做生意命唔同既嘛。有做生意命果d羅钱黎投资lor。
ALAN：有d人有赌命既。
苏：赌命就少d，间唔中啦。
ALAN：阿叻咪系赌命lor。阿叻真系算有赌命。
男：即系做正经野唔得既，要赌先得既，系唔系呀？
苏：正经野都得既。
男：要问阿伦先知啊。等阿伦讲。
ALAN：都得既，不过无心装载(?)jet。
女：佢有心摆o西d马仔度lor。
男：好啦，我d问下呢，头先问左d关于工作上啊，黎紧继续忙碌啦，但系咁多年里面呢，我地每一次都问d桃花啊。
ALAN：开始闸口先。
男：有d问题一定问既。
ALAN：好啊，问。
女：真问既wor。
ALAN：问啦。
男：即系花仔几时失去花仔**呢？
ALAN：果时系问边个？对上一次。
男：个个都问。
女：问好多。Elmond有问，许志安有问。
男：全部十几岁。
苏：呢个都系。
ALAN：你讲来听下？
苏：16、17桃花，应该就系18。
男/女：18！
ALAN：话俾你听，我系一个好鬼保守既人。***
苏：啊？咁又唔知wor。因为第一个大冲18系。因为佢逢系...以前叫结婚既嘛，出现一个大既动荡，一生人最大动荡，你除左结婚就靠状元了嘛。
ALAN：但讲俾你听讲野都唔信，我系踏入二字头先至来真既。
女：之前果d都系假既。
苏：**又唔知既。二字头就要到廿四廿五，冇理由咁迟架嘛。
ALAN：唔系，我系o岩o岩二就有了。
男：所以成日都系廿五系唔系？廿五一年一定有开心野发生既嘛。
苏：廿五佢一生第一个重既姻缘。
男/女：哦...
苏：又皱眉了。又要(言念)了，所以廿五岁廿五岁...
ALAN：我廿五岁意思唔系咁既，其实我觉得廿五岁一个几好既年份，即好似**咁。
苏：过左廿五就唔得了，阿伦就顺得滞。
ALAN：变左？。
男：呢d我地一阵间再斟酌啦。我要播搭半既...
ALAN：你要去边度啊？
男：天气啊。
女：仲有我地听众d问题le...
男：我地都未问完o西d问题。仲有大把问题要问。咁抖一抖，报一个时，报返个天气。返番黎我地继续讲下。

爱人女神

不好意思，刚才我为了修理论坛银行的功能。
你后面发的那几贴没有了，请重新发一下。

ortega

男：小仪...
女：搞错啊！
男：痴线。...佢好泼辣，头先闹我。
女：你话我四十。
男：我话四十佢即刻闹...
女：阿伦廿五我点会四十呢？
ALAN：边有自称，人地讲既嘛。
女：校长个名系自称定系安既？
ALAN：梗系唔系我啦。系d人叫开。我同教育界无关既。
男：但有冇意向搞好香港教育呢？
ALAN：一己之力好难既。
男：我成日想问个问题。ALAN系度既时候讲。即系过去苏民峰就话，香港用口搵食既，果二十年呢，就系八十年代。
苏：系呀，84至2004呢二十年最黄金时刻。
男：而家2004之后呢？
苏：就旺(言念)计度桥。
男：系啦，即系唱歌冇左。如果我要一个天皇巨星好似谭咏麟咁样呢？
苏：好难了。
男：都搵唔到了。
苏：难过以前果二十年。
ALAN：开始要度埋剧本既。
苏：o岩架。而家真系旺呢d既，演唱会要舞台剧咁样既。即系唔系净用个口讲。
ALAN：多元化左。
男：做多好多野先得。
苏：系呀，做多好多野。
男：咁要再等譬如下一个，天时地利人和又多一个谭咏麟，要等几多年？即系二十年之后。
苏：呢二十年可能都出到既嘛。不过系真系又要作曲，又要做舞台剧，又要写剧本，多方面好多lor。唔系净系以前唱，以前着你特别黎讲野既嘛。
男：点解我入行果时候，就已经系04年了而家，o岩o岩果二十年黎讲野既。
苏：唔系，可能你编剧好叻呢，作曲好叻呢？你点知啊？
男：我知唔得。
女：佢试过，佢努力过。
男：我写小诗有一首既。今晚会努力去试下咁样。
女：但你错字好多。
苏：错字唔紧要，有编辑lor。
男：我想讲，努力呢样野其实ALAN好努力既，好好辛苦，做每样野有出路都去努力咁样。但当然你有时问我地做歌迷既唔知道既嘛。即系对你黎讲，你觉得佢个努力个心系点样既呢？譬如俾佢去到而家，点解都仲要努力落去呢咁样。
ALAN：其实我觉得就系，其实一个责任感黎既。可能我人既责任感比较强lor。我认为即系有咁多人去支持你同埋拥护你，唔系话好短既时间，系咁多年，系唔系。都系一种原动力，俾我系今时今日仲企系舞台，仲要为左佢地去付出我自己...希望做到最好。希望可以咁lor。其实我(言念)呢个系互动。佢地俾几多我，我俾返几多佢地。大家觉得我俾多d野佢地，感动到佢地，touch到佢地，佢地再俾多d。所以呢咁多年大家都系咁样互动既。
苏：系呀，都系o岩既，几好既。
男：就系呢番说话令到你果五年又黎啦又黎啦。讲完之后哎呀又黎啦。
ALAN：又黎了。我要做***。
苏：因为呢二十年又唔同了嘛，1984到2003一个结束了嘛，咁04呢，就全部将所有既野系回顾，而家又系一个高峰。
男：系咩？
苏：系呀，好奇怪，每二十年都系咁既。每二十年着一个地运既嘛，佢系将1984-2003重新回顾一次lor。
男：头先o岩o岩84年《雾之恋》期间，到而家啦咁样。
苏：所以04又系另外一个交界开始lor。
男：如果咁讲法，04譬如佢做既演出啦，需唔需要舞台剧啊？
苏：唔需要啊。因为佢唔系新人了嘛。
男：而家出来就不停《雪狼湖》果d。
ALAN：披着羊皮的雪狼湖。>
男：佢就唔使啦？
苏：唔使。
男：如果咁讲法都唔辛苦wor。
苏：辛苦，佢演出不停做做做做做，都系辛苦架。
女：都系做自己拿手野嘛。
苏：都系开心既。
ALAN：所以d人入行拣o岩自己钟意既野，系唔系先？
苏：先做得好了。
ALAN：系啦。乐意既嘛。
男：如果唔系你会做得辛苦d既。
苏：你拍戏都系啦。三点起身眼朦朦咁样。有d人真起唔起身既嘛会。
ALAN：三点去到十点仲未埋到位wor，等到仲系度。周时有既嘛。
男：咁就开心好多啦。好啦，今日我地听众可以打电话来问ALAN问题既咁样。咁而家可以接佢地电话，因为佢地十点钟开始已经打电话来，一路等紧架啦。好啦，而家即刻接第一个电话先。
ALAN：Hello？我声咁靓既？
听众1：喂？系唔系我啊？好紧张啊。
女：你叫咩名啊？
听众1：我叫Maggie啊。
男：Maggie，ALAN系度架啦。
ALAN：仲有苏师父系度。
听众1：我知啊。你好啊。
男：你可以问ALAN先，而家我俾少少机会你问苏师父了。两个都可以俾了。
听众1：我梗系想问ALAN先哪。
ALAN：好。
听众1：系唔系暑假会开演唱会啊？
ALAN：暑假系呀，暑假。
听众1：开几多场啊？
ALAN：十场。应该系十场。
听众1：系唔系八月啊？系唔系你自己一个啊？
ALAN：我自己一个，系呀。
听众1：即系唔再系左麟右李了哦？
ALAN：有咩问题呢？
听众1：我等左你自己一个演唱会好耐啦。
ALAN：系唔系啊？咁好lor。
听众1：我****由头到尾都系你既。
ALAN：系吗？但我今次有嘉宾wor，d嘉宾好好wor。但佢地会系其中一part jet。咁你会介意吗？
听众1：我唔介意。
男：嘉宾系边方面嘉宾呢？
ALAN：去到粒粒都系...对音乐好有诚意同埋压得到台，真系唱得歌既。
听众1：系唔系多数系新人啊，你请果d？
ALAN：咦？新人唔可以...企唔到上来果个。即系佢地要俾返d日子先得。
男：即系全部都系有经验架啦。
ALAN：有经验。
男：有冇一d初步一个两个****。
ALAN：去到果个...好似国内歌手韩红啊孙楠啊果d。果d果类型既。即真系唱家班黎既。应承左了。
男：果时会出现台上了。好...
听众1：我就系惊你请d新人架嘛。
ALAN：哦。咁唔系既，佢地都会有机会既，即系唔系今次lor。因为今次我演唱会会点呢，我会系我音乐路程入边呢，呢几廿零卅年哪，我接触到既音乐，咁我都知道好多人同我一起成长既，同我音乐一起成长。所以希望将我d音乐再带返上舞台度，所以同佢地一起再重温。
听众1：咁即系多数都旧歌了wor？
ALAN：好唔好啊？
听众1：好呀。咁唔好跳舞wor不过。
ALAN：咦，真系。我跳舞好有诚意wor。
男：喇叭裤，...
ALAN：我系好有诚意既，Maggie。
男：韩红都会跳part舞。
ALAN：辣身舞。
听众1：就算你跳呢，都唔好特登带个腰封系出边黎跳lor。
ALAN：喂，我个秘密武器黎架wor。你唔好随便诋毁我呢样野。誉满东南亚。
男：将sex appeal全部放出来。
听众1：仲有好多问题呀。你几时重组个歌迷会啊？我等左好耐啦。
ALAN：系呀，唔收得歌迷住。
听众1：好耐啦你唔收左。
ALAN：有好多年了wor。我返去反应下先。
听众1：我问呢条问题好多次，都系咁答我既？
ALAN：因为要搵人返黎做野嘛。好辛苦lor，因为我地国籍歌迷会黎既。
男：好多。请返果d人要讲好多种语言。好啦你问够未？
听众1：仲有啊。
男：唔好啦，好多朋友等紧呢。你讲多一次仲有。
听众1：我仲有想讲咩？
男：唔关我地事呀。唔可以俾一个人问o西既。
ALAN：Hello，喂。
听众2：架势堂啊？
ALAN：你系？
听众2：阿伦哪，我系阿健。咁我有个问题问，咁你以前好钟意睇精工对南华d足球既。我成日见到你坐系度好紧张架bor。
ALAN：啊？讲唔讲粗口啊？
听众2：听唔到wor，隔好远哪。你成个弹起啊。
ALAN：我果时系精工82既会长啊。
听众2：但唱歌唔系你唱，系区瑞强唱唔知点解。会歌。
ALAN：咁佢有佢既份量既。
女：会歌唔系，但有只歌系ALAN唱既嘛，精工。
ALAN：可能歌系佢自己作lor。如果我作呢，就系我唱了。
男：始终区瑞强有种草原既味道啊。
ALAN：草原同球场有关，大家都系绿色。
男：你见区瑞强戴住顶帽揸住吉他系球场中心咁样。
ALAN：佢弹我踢既嘛。
男：咦，听你把声好似好细个系唔系你？
听众2：我系呀。果时我阿爸带我睇波嘛。精工对南华，见到你坐系山高旁边，好开心到弹起架嘛。
ALAN：因为成日赢既嘛，精工果阵时。
听众2：不过好惨。而家冇精工好似就冇人入场睇波咁。
ALAN：而家d人成日，因为太多电视可以欣赏到好超级既球队啦，系唔系？
男：以前你冇睇到其他国家比赛，好难得既。而家就唔系啦，咩国家都睇到。
ALAN：精工真系好犀利既，对亚积士都系输，你知输几多啊？
听众2：输...唔记得了。
ALAN：6比3，5比3啊。
听众2：果时精工真系好钟意出钱既。马拉多纳请到既。
ALAN：系？系唔系认错人啦？仲冇肥嘛？
听众2：冇肥。真系冇认错人。系精工先请到既。...
ALAN：你开始讲到我都觉得有d问题了wor。
男：有d神化。
...
听众2：你踢头场既嘛。
ALAN：志伟呢？
男：志伟都有黎既。但***唔得闲。
ALAN：我踢头场咩？
听众2：系呀你踢头场。明星队对无线果d艺员班既。
ALAN：系？
男：无线训练班。你唔好考佢。
ALAN：我虽然成日唔记得野，对马拉多纳咁样级数既冇理由唔记得，仲同场tim。
男：头先我话太耐啦，***都话我地唔好信佢讲。
ALAN：好，听下一位啦。Hello，喂？
听众3：喂，架势堂。
ALAN：成日打电话黎架？
男：系呀，我地呢个节目叫《架势堂》黎架嘛。
ALAN：系咪成日打电话黎？我记得有个位，系认得你把声。
男：我地逼佢地讲既，一定要佢地讲《架势堂》。
ALAN：你叫咩名？
听众3：阿le。
ALAN：Ole Ole。
男：你有咩问？
听众3：我想问下呢，咁而家呢好多歌手好多时都系model公司拣番黎架。好多乐坛前辈又话佢地唔够***。其实你觉得咁样系唔系一件好事？同埋你觉得如果太多咁既人呢，唔系太多实力既人入黎呢，会唔会有**既情况？
男：你个香港大学研讨会既。
ALAN：我一路以来都有讲既，我不嬲都有讲其实唱片同埋果个经理人公司系唔系短视lor。佢觉得搵急钱。可能佢而家认为唱片已经买唔到钱，因为太多翻版。太多网上既download，令到佢地生存唔到，要搵d靓仔靓女出来，除左有知名度之外呢，出左碟有知名度之外呢，就可以拍下广告拍下戏啊。系侧跟d渠道搵返d钱，咁来cover返佢制作既成本。所以但系呢个本末倒置lor。令到我地香港乐坛而家俾人笑既。因为好多时，有某d歌手去到一d国际性既场合系度唱果时呢，一开口真系抛离几条街既。呢样野我地真系要反省lor。
男：内地会唔会好d呢，而家反而？
ALAN：其实内地好多，你国家咁大咁多地方人才出左黎，但只系争一样野即系包装。而家跟住落黎佢地睇到出面世界既事物多左好多机会，佢地慢慢真系包装上来，融入去出面既音乐世界呢，我认为佢地既机会比我地大好多。
男：我想问下苏民峰，譬如有冇得睇下成个中国边个地方地运好先？
ALAN：西南方。
苏：真系西南方。因为而家不嬲都见到北京或者上d既地方分分钟入黎四川啊新疆啊西藏，唔出奇既。
男：即同地运有关？

ortega

苏：有关既。而家西南有着数lor，真系分分钟内陆果d劲人出现。
听众3：我想问自己问题得唔得啊？
男：今日好多朋友问问题，下个礼拜至问得要。byebye。
ALAN：声好似好希吁咁。
男：佢地自己一生啊有时会问自己。因为苏师父系度。有时会问苏师父自己问题，好似失恋啊。你有冇试过失恋啊？
ALAN：有啊。
苏：顶住顶住。
男：苏师父啊，ALAN失恋边段最伤心呢？
苏：又睇啊？一定又唔准了wor。
男：唔系。
ALAN：唔会了唔会了，你讲啊。
苏：佢特别容易感情出现问题就系蛇年同猴年。
ALAN：准啊！
男：八几年哪？
苏：蛇年就77，跟住就80了。再来就系，77之后系89啦，89跟住就92啦。咁呢d就系蛇年同猴年了。
ALAN：77再*上来几时啊？
苏：再*你话唔系呀。因为我第一次计就系18岁丫嘛。
ALAN：果时一样会有失恋既嘛。
苏：18岁lor。
ALAN：但头先你讲系另外一样野黎既。
苏：哦，即系得唔到lor。失手啊冇办法，通常d人系得手。
男：头先苏师父计你应该得手既，18岁。**知你18岁失左手。
ALAN：甩手。
苏：因为我计十六七岁桃花，跟住18岁就感情变化嘛。
ALAN：o岩返o西。我真系二字头既。
男：你第一次失恋系18岁啊。
ALAN：系果个..真系差唔多。系咁上下。
男：咁你果阵时18岁咁你点呢？
女：点过呢？
苏：几惨既。
ALAN：真系，几惨既。我试过由巴士*。个巴士由站头开开开到我唔知系边度，听左跟住再开。排完队再开返。开四次。我系车，望住个巴士个窗。
女：有冇喊？
ALAN：满泪盈眶。真系。
男：但而家都唔知条巴士线系边度了。
ALAN：九龙城码头既。唔知开去边。冇落过车，完全冇落过车。系个巴士位果度嘛。就咁四*lor。
男：咁直到几多岁先搵返第二个恋爱呢？
ALAN：冇几耐。
苏：呢个就系二十...唔知系唔系...
男：二十岁。
ALAN：二十岁，十九岁几。
男：呢四程车就白坐了。
苏：四程车坐左成年。
ALAN：年几啊。大个时好钟意，唔开心感觉好似，点讲呢，好似好享受。弊了，唔知点解会咁lor。
男：我觉得系开心既。
ALAN：好似唔想理人，戊想理自己。
男：但好enjoy个感觉既。
女：沉醉自己果个感觉。
苏：所以失恋安慰系冇用系唔系？要自己去***。
男：我成日都觉得有时失恋最好享受下失恋既感觉。即系你同个女仔相爱左，你同佢分手时候你都唔觉得伤心既，咁即系你根本唔钟意个女仔啦。
ALAN：咁你点样先醒返呢？
男：我冇啊。
苏：多数佢飞人了。我唔记得个眉粗tim了。
男：ALAN咁眉粗了，ALAN粗唔粗啊？
苏：冇你咁粗。
女：即系冇你咁咸湿。
男：眉粗尊重女性啊。
苏：带埋藤条跪妻房架嘛。
女：即系扭扭耳仔果d。
男：咁ALAN？
苏：争几？
男：咁佢系边只？
苏：佢都唔算粗既。
男：咁佢系边只？
苏：佢都唔似带埋藤条跪妻房既嘛。
男：咁佢系边只？
苏：佢冇乜边只。你特别眉粗逼人地眉粗。
男：佢可能系咩呢，恶...
苏：佢唔系。佢系特别听女仔话既人，特别就到女仔。但就唔系话怕老婆。
男：汆唔汆到女仔开心呢？
ALAN：即系尊重啦，有时过分左尊重了。女仔系咁既，女仔要汆既，要就既。我觉得真系，合理既。咁有时d无理取闹我都扛左佢既。
女：个个都系架啦。男仔天生出来就要扛我地女仔。我觉得男仔一定要扛呢d野，唔扛你就唔系男仔。女仔都唔会收呢d男仔。
男：你地香港女仔你话俾听你*得几多年。
苏：100个对70个啦就黎。
女：我地识得返我地内地*靓仔啊。郭家公子都搵内地既晶晶啦。仲搵香港女仔？你仲唔改改自身？
ALAN：果次好笑啊。果次你个节目讲咩黎架？
男：讲d男仔好惨，被女仔讹。永无止境既嘛d女仔。我地话俾佢听，你成日话返去内地，我地男仔个个都钟意韩红啊。ALAN个演唱会都系韩红。
ALAN：冇电话接了。
男：冇了。因为头先我地倾太耐呢，好多广告未出返。
ALAN：几时再上来玩下。
女：系你开演唱会前哪。
ALAN：啊？排咁耐？真系咁忙？
女：咁系啦，我地个期好full架。
男：今日多谢ALAN。多谢苏师父，下个礼拜再返番黎帮我地手了。
ALAN：讲d真系真话wor？好准不过可能你会错左意。
男：总之而家得手就好。byebye。
李： 开始新一个系列的流行的岁月了。好开心都好荣幸搵到谭咏麟校长上来同我地倾下计。校长你好。真系同你敬礼先。
ALAN：唔使。
李：上得来我呢个环节既，系呢个乐坛都好有地位既。校长自必然系啦。所以呢，你知你d野好多，同埋威水野好多。我只可以集中几个重点。从你温拿时代开始讲起啊。先讲温拿的组成。原本我地都好清晰的，有五个人，但自从陈百祥重现江湖之后呢，就搞到我地年轻一辈好混淆的。究竟温拿有几多个人啊？
ALAN：温拿的前身唔系叫温拿嘛。陈百祥的确和我地夹过band。果阵时叫loosers。有六个人添。果时冇左阿B，其他四个就我，陈友，阿健，阿强。陈百燊陈百祥两兄弟。陈百燊好多人都唔知，以为佢净系做电视既。其实陈百燊都识弹keyboard既。系弹电子琴。咁佢又好cool既，佢样就好严肃，闲日来都唔笑既。系台果度就吸引无数少女。果时队band既focus系佢果度。
李：好意外。
ALAN：佢高高瘦瘦，果时留长头发。好钟意，比如佢一钟意个女仔，就向住人地，斜斜地面，？，我地跟住顺势望去，果个方向一定系有个靓女。用呢一套手法。咁陈百祥就唔追女仔既，系女仔追...都冇wor。佢系钟意跑马，同埋赌狗。
李：少年狗马神了。
ALAN：佢以前已经钟意赌了。有句口头禅成日挂系口边既就系"小赌可创业，大赌可兴家"。佢性格有头到尾都好贯彻始终。佢系屋企成日**电台
李：澳门个**电台
ALAN：佢既专制就系落狗栏，马栏同埋收租。佢妈咪系电器道有三栋楼，成个楼都系。佢做收租既。阿叻就负责包租，系收租。
李：佢都算包租啦。包租婆之子嘛。
ALAN：记得有一年，佢真系...
李：羅左d租去赌。输左。
ALAN：输o西。输o西直情系。后来唔知佢，又搞得掂wor。又OK左，唔知点解。
播放《温拿狂想曲》
李：温拿乐队前身loosers原本有六个人的。包括阿伦，陈友，阿健，阿强，陈百祥，陈百燊两兄弟的。后来陈百祥陈百燊两兄弟走左，阿B入左黎，点解会有呢个情况出现既呢？
ALAN：因为我去新加坡读书，乐队就解散。阿叻就从商，做...
李：狗马既。
ALAN：唔系。做**。
李：哦，成衣果d啊。
ALAN：纺织。我记得果阵时...系唔系有，有个crisis，唔知系咩野。
李：石油危机系唔系啊？
ALAN：系咪打仗啊，中东。
李：两伊战争，伊朗，伊拉克。
ALAN：当时系几多年黎？
李：七十年代初。我o岩o岩出世。
ALAN：好似系果阵时，系咁上下既期间。？。佢果阵时，唔知之前定之后呢都系果度。系之前，之前就系果度做卖雨(衣娄)，中东，沙漠，佢都可以卖到雨(衣娄)。一年都冇两日落雨。但佢就卖左四万件雨(衣娄)。四万件点解，佢话比人听系fashion。
李：几似中东d衫wor，有顶帽lum住，唔见光。
ALAN：所以阿叻既口才几好。好掂。
李：所以后来来左阿B啦，温拿就
ALAN：后来就冇左几个歌手，冇左我同阿叻。咁佢地就重组。重组就改左名叫wynners。以前我地最早期loosers有个经理人系？。我地系酒吧弹o架嘛。佢成日落来酒吧听，赏识我地，好掂，就做左我地经理人。到今时今日，果个叫做michael，佢都仲有同我联络既，佢都好长情。系果阵时系一个地道既西方既中国人。佢乜野都食既，鸡脚都食既。佢跟住我地既嘛。云吞面，牛腩面，鸡脚，猪肚，乜野都试。咁佢果时就冇做啦。梁pato就做经理人。慢慢慢慢温拿就出名了。
播放《玩吓啦》
李：被经理人梁柏涛发掘之后，温拿乐队越来越多演出的机会。而且仲有机会做电视节目。只不过第一个电视节目并唔系温拿狂想曲。而系呢一个。
ALAN：温拿周记wor。最早期。系丽的既wor。
李：我冇睇过wor。
ALAN：丽的wor。果时唔知改左名亚视未呢？
李：丽的，好明显系丽的。系，肯定系。
ALAN：叫温拿周记。一做时，因为全香港都冇果d节目，咁疯狂既嘛。所有既gag都系自己度既。自己polish过既。？都系(言念)果样做果样。d歌以前唱国语歌，广东歌系粤语，好旧式。
李：系啊，小调果d嘛。
ALAN：即系咁唱果d lor。果时兴果d。变左有队乐队出来唱英文歌，咁又咁长头发。？
李：都好犀利果阵时啊。《温拿周记》同《温拿狂想曲》有d咩趣事呢？
ALAN：趣事啊？趣事就多了。每日都好钟意成班人走埋一起，因为开心嘛。有健仔啊，陈友啊，马骝搞搞阵，好好笑。阿B同阿强又大头虾既嘛。变左中间就无数既趣事。每一日成班学生仔走埋一起呢，都唔钟意返屋企既，希望长d时间做野。
李：我地成日都听话呢，一队band，总有一个band leader啊。或者就算冇，都有一个无形的leader啊。咁温拿果时五个人，边个系leader呢？
ALAN：如果讲无形leader呢，可以讲系我。因为我乜野都要问过o西d人，都大家通过o西。但出去帮人地*既人...
李：当然就系梁pato啦。
ALAN：唔系。我啊。
李：都系你？
ALAN：即系我代表乐队出声lor。咁同经理人或者同出边d人去好多野要面对果阵时嘛。
李：咁咁耐以来有冇不和呢？我地细个成日睇d花边新闻。你知你同阿B永远都系行出来架嘛，出来唱歌，吸引万千少女。果阵时好笑，d报纸就艾伦，写你个名。同阿B咁。成日有d不合。
ALAN：边度有？因为我地果时系电视节目，有现场观众嘛。咁就有各派啦。阿伦阿B陈友阿健阿强都有架。大家都举牌啊。
李：你两个多d，明显d。
ALAN：就系啦。跟住d人咁写。其实冇野既。
李：完全系冇野。
ALAN：冇野。好得意既我觉得，一队band能够夹得咁多年，咁有成就，一定要入边有combination，有化学作用先得。要有果个化学作用才能向前行既。又要有和谐色既，当然当中一定会有好多唔同既声音，但一定要综合，一齐心就向前行，成功lor。
播放《友情相关照》
李：ALAN谭咏麟就话，温拿五个人就完全冇不合既。但冇不合jet，会唔会有d唔同既声音，又或者有冇拗交出现过呢？
ALAN：有唔同既声音？
李：最大拗交啦。总有d既。

ortega

ALAN：最大拗交就系一次签约。
李：签边度？
ALAN：同梁pato。renew contract。果时我地o岩o岩做开湾仔，收入系固定架嘛。几千蚊大家分，一万蚊大家分，或者万零蚊大家分果种。就(言念)唔到玩音乐可以做到咁长时间，而且作为终身职业的起点，起步。同梁pato合约中间有段时间就完左啦，renew果阵时呢，我地大家睇过。佢地竟然全部觉得OK wor。净得我一个人唔OK。因为我觉得有水涨船沉的感觉。我地以前收开廿个percent既。
李：边个收廿个percent先。
ALAN：经理人lor。抽agent十个percent，management十个percent。咁样。我觉得好fair。但后来唔知梁pato就无端端画条graph出来。"o拿，我同你每个月搵咁多钱呢，我就收5个percent，我搵咁多钱呢，我就收高d。更多时就再收，到40个percent。系当年，而家可能，而家新人呢，或者出面唱片公司做埋management果d，而家果d呢，因为要配合好多野，要配合车接送，化妆，形象设计，经理人，然后先捧一个人出来，一将功成万骨枯。而家你要收咁高既percentage就好难讲。系果年头系冇野付出既嘛，去做经理人。接下生意lor，搞下联络诸如此类。咁我觉得，二十个percent就好fair了。40个percent就好唔fair既，系果个年头。因为你画条graph出来呢，系比多d钱。但你既收入来来去去都差唔多，因为你要比多左经理人嘛，而且有五个人分嘛。变成，水涨点解会船沉，人地比多d钱你，你咪面对更多既观众，更大压力lor。系唔系先？要面对唔同既野lor。虽然对我地来讲，当年我地好似一个海绵体，反而变成一种经验，一种吸收，一种赚取添。但我觉得都唔成正比lor。水涨变为船沉，变为压力大左，做既野又多左，但赚到既钱差唔多。
李：经理人就多左。原来少年的时候就系商业奇才啊，校长。但后来点嘛？个争议点样呢？系咪佢地四个签左你唔签？
ALAN：因为我地全部系少数服从多数既嘛。于是乎就冇办法啦。我一路都话比佢地听系错既。我睇到将来既野一定系错架啦，我话。到到后来，真系wor。真系发觉错，成班出o西怨言。唯有我出来做臭人啦。终于有一次出外地演出，捉住个经理人，捉住pato。
李：五对一。
ALAN：转返原约。最多加d jet。
播放《齐心就事成》
李：温拿乐队当年经常走埠登台。一走埠登台就有好多奇遇的。咁最难忘一次经历有系点既呢？
ALAN：温拿果时系吸引万千既，无数既，东南亚既少女。唔止少女，仲有果d契妈。好多既。送银纸牌啊，有送燕窝啊。
李：我差点忽略左果d契妈行列。咁当年边个最受契妈欢迎啊？
ALAN：e...我啊，其中之一个。到好多地方，果d燕窝一窝一窝。一盅盅炖品啊糖水啊。我地系夜总会演出嘛。一完左之后，通台都系啊。
李：咁点算啊，剩o西既，我知你都系...
ALAN：周围派lor。果时都唔知d燕窝咁贵添。
李：你知既。
ALAN：我唔钟意食甜品既嘛。
李：下次要整咸既。
ALAN：鱼翅
李：去咁多地方走埠登台啦，有边一次既经历你(言念)返觉得又好笑又难忘呢？
ALAN：次次都好笑，次次都难忘。反而有一个几值得睇下既就系，系1970年我地羅左沙滩音乐比赛，羅到冠军。咁我地有几项合约。一个就系TVB做star show既appearance中间就客串形式的，三个月，每个礼拜出一次。除左主唱band，许冠杰或者泰迪罗宾之外，就到我地，好威既。咁然后，另外一张合约呢就系diamond唱片公司。宝丽多前身，而家就系环球啦。之前就宝丽金啦，之前就宝丽多，宝丽多之前就diamond。钻石。diamond当时系郑东汉做engineer，工程既负责人，弹下唱下和音啊。系果个年头，得到张咁既合约。但果时系冇出过唱片既。直至到后来宝丽多买左diamond果个合约，我地就履行，系后期，变左履行左果个。另外一个合约就系出外表演。系去边度呢？系冲绳岛。冲绳岛当年仲系美国既军事基地，属于美国，未归还比日本。军事基地一定既啦。好多美军集居地。记得有一个演出就系系叫做moon's beach。解释就系月亮滩。有两晚，系不同既乐队，来自各地，韩国啦，日本啦，美国啦，香港啦。好多地方，做一个由朝早十一点钟到夜晚十一点既non-stop music concert。连续两日。个感觉呢，比我地，好似woodstock。成个海滩都系人。有五万几既美军参与，系果几日假期。另外仲加埋当地既居民。好犀利，d人冇走，系越来越多。
李：台下自然high啦，台上都high。
ALAN：望过去，成个山头见到d美军带返o西d假发，好重，好似woodstock，留o西须。企系单车，起o西头。到今时今日感觉都好强。
播放《Sha-la-la-la》
李：温拿乐队自组成以来都有好多演出的机会。但温拿第一次出唱片既经历系点样既呢？第一次走去录音室录音，佢地紧唔紧张呢？
ALAN：我地因为唱开歌唔紧张既。
李：但录音同演出唔同。
ALAN：我地果时做紧《温拿狂想曲》，早d。我地系夜总会就唱英文歌既啦。录音室都系咁样。但听返，playback时听返呢，咦？把声咁得意既？原来咁多瑕疵既？
李：系呀，因为果d音色，果d口水声啊。
ALAN：以前我地录音系点样呢，走去录音室，直录，唔错得。错又从头再来。原来到自己唱时，因为tracks唔多既嘛。而家电脑。而家你up首歌出来。有人声就得，有字既音就得。咁佢替你tum高tum低逐粒音都得。而家你五音不全都可以做歌手啦。完全可以用电脑整返o西既嘛。
李：不过你个年代比三十年代好d啦。果时歌手后面有个大乐队，仲惨。
ALAN：冇得改正既啦。
李：两个track果阵时。最早期，你果阵时系四个track。
ALAN：唱紧咩歌啊？"Sha-la-la"，"Would you laugh"啊。第二张single就系"Sunshine Lover"，"Happy Birthday Sweet Sixteen"。
播放"Sunshine Lover"
李：当年温拿乐队除了唱歌同拍电视剧之外，仲拍过电影既。果部电影就系同黄沾合作既《大家乐》。当年同黄沾合作时温拿乐队有d咩感觉？又系拍电影过程里面，吸收到d咩经验呢？
ALAN：好玩。因为大家都green。对电影系乜野事完全唔识。沾叔都有讲过啦，拍完个镜头。一眯眼(言念)(言念)，得唔得呢？一望，成班人唔见o西。衫裤都除o西，摊系度。都唔知道个职业，个正确态度系点样。
李：或者(言念)太长，一(言念)三个钟。
ALAN：咁唔系。一(言念)一两分钟。我地唔知做乜野嘛。见佢系度皱o西眉头唔知做乜。
李：通常都系一个行开，全部散开啦。
ALAN：跟住除埋靴，除埋boot。摊倒系度。
李：对你自己来讲，拍《大家乐》最深刻，最难忘既。
ALAN：《大家乐》拍果阵时好玩，唔使讲啦。反而系之后，《大家乐》带比我地好多荣誉啊。当时有套戏叫《大白鲨》，《大白鲨》系马来西亚做左三十日。《大家乐》系马来西亚做左八十日。
李：你用呢个来比，好犀利啊。《大白鲨》曾经令好多人唔敢去海滩。
ALAN：系全年度最高既票房记录来架。
李：马来西亚既少男少女以及契妈。
ALAN：系呀，契妈团。
李：犀利wor。点解马来西亚咁受欢迎？东南亚，佢地果边冇stars，冇artist果个年头。而且我地大家东方人，中国人。又讲广东话既，系唔系？
播放《大家乐》
李：系1978年温拿乐队佢地五个成员作出各自发展呢个打算。咁点解佢地当年会有呢个决定呢？
ALAN：因为人系唔同既阶段(言念)唔同既野lor，会唔同既决定既，系唔系。大了，大家都知道要为自己既前途做d打算。当阿B行第一步去拍李行的《小城故事》我地其他就系香港成日打保龄。所以而家打保龄打咁好就系以前练返黎。朝早十一点去南华，打到晏昼食野，夜晚食饭，打到十一点半，咁样既。几个月，越打越惊。净系坐住打波冇理由架。后生仔黎架嘛，唔通唔做野？阿B返黎又遥遥无期。
李：当初有冇拗交呢其实？总有d人唔想各自发展。
ALAN：冇wor。都觉得佢咁行出去拍都OK架。对佢来讲绝对系好事。人地既机会黎架嘛，你冇理由抹杀人地机会。我都支持佢。但支持完之后自己就惊了。做咩好啊，仲搞唔搞啊？会十五十六啦，心(言念)。
李：跟住到你自己行埋出去既时候就...
ALAN：未啊。到果阵时o岩o岩就TVB甘国亮来搵我，做《青春热潮》既剧集，再做埋《天虹》，再做埋《Bang! Bang! 咁嘅聲》，郑裕玲同阿Lam做主持既。
李：咁都开始你各自发展？
ALAN：都转为个人发展lor。
李：咁其余三个成员呢？佢地都
ALAN：其余三个成员，陈友拍戏lor，慢慢转为制片哪。健仔开餐厅lor，自己弹埋架嘛。阿强就做左我地，果时开间酒吧叫"大酒筒"，佢做经理。
播放《L-O-V-E Love》

ortega

李：温拿乐队解散后第一次重聚就系十周年既演唱会。咁当年十周年演唱会系边个发起既呢？
ALAN：系我lor。我觉得，当时系1983年，我觉得，即系我成日怀念果个阶段lor。系果时83年我同阿B，阿健都做左show了，三个人都有出唱片。咁走埋一起搞返，都有意思系果度，同埋都有感觉，大家都觉得好好wor。
李：我地都好关心，来紧我地几时可以睇返温拿演唱会呢？我代好多人问既呢个。 ALAN：系香港既成数就少d了。
李：真系啊？
ALAN：香港成数，冇咩机会了。我地都决定左唔会系香港。但可能反而海外一d呢，好耐以前，成日有d信哪，有d人request既。星马，加拿大，成日希望我地温拿搞一次去。以前我地应承过既，都想去既。但而家d期好难既，呢个忙果个忙。
李：咁03年好机会，30周年啊，大过你真实年龄。果d日子有冇机会啊？我地期待住先哪，有d机会。
ALAN：除非好大型既筹款或者诸如此类。 播放《千载不变》
李：系温拿乐队临解散之前呢，谭校长谭咏麟已经系电视台果度拍电视剧同主持，咁佢第一次拍电视剧感觉有系点架呢？
ALAN：其实，因为我地以前做开果d搞笑野，比如温拿拍剧集，或者拍gag，全部都系冇实际架嘛，好浮夸。到到你自己要做个drama，好heavy。自己去做，？样野呢，你会觉得有压力，无从入手既。究竟我应该用乜野感觉去做。乜野态度去做，唔知既，唔系好清楚。不过我本住一样野就系，每一种镜头，每一种表达的方法，都由心去做，由心去做最自然。入左心，上脑，点去做，然后平常既方法，最自然既方法做出来呢，就最自然了。 李：o岩。咁过往电视剧集你最钟意边部？
ALAN：电视剧集做过一部jet，《天虹》。但我同嘟嘟合作果阵时呢，我系学到好多野。学到乜野呢，唔系演技。演技大家有唔同演绎方法。学到佢果种专业精神。系果个年头呢，我地觉得拍剧集，拍电影，开头以为好easy。但去到拍剧集原来太多场口，太多跳拍，你分分钟。比如我一拍拍三集，三集我地系有六个或者八个导演同你拍，咁变到大家睇你唔到之前想问你d野。
李：仿佛精神分裂。
ALAN：佢地**你既嘛，**个演员。三个剪片三个就拍，两个休息，诸如此类咁样。咁成组人开大会，佢就会羅住？黎，咁拍既jet。咁但系每一个场口想问下你，呢个用咩情绪呢d野，你演员要自己识执生，照顾自己了。要识照顾自己其实好难，系剧集对每一个演员，系最容易比佢进步，比佢吸收既一个地方，一种方法黎既。咁拍长剧，果阵时我睇嘟嘟每一次拍完野，羅本簿出来，着咩衫咩鞋，果场系举紧咩手，咩情绪，全部写低o西wor。咁犀利，原来要咁做架。开始我冇咁做，觉得好？，点样会知道唔对路呢？因为原来真摄唔到既。人地剪片跳咁剪，你都唔知点剪既。一落来你情绪唔连呢，如果你情绪连无所谓啦，我地果时系拍紧菲林架嘛，唔系而家d叫咩，VCR。佢系用菲林拍，d灯光啊各样野，打果d野，要搞好耐。休息果阵时都唔记得做乜野。同埋跳，？，咁...拍o西，到后面，可能你一离拍，ending。你唔之前做功课，对好o西，好难会黐得埋。
李：经过系电视台拍电视剧既训练，谭咏麟谭校长无论系演技上，心理上越来越成熟。系果时佢就开始拍电影了。
ALAN：第一部拍自己的电影就系去台湾拍，同白景瑞拍《忘忧草》。女主角就是林凤娇。以前我拍电视长剧吸收到好多野，但原来都系个细的框框。细框框原来你系电视剧拍closeup，你郁，唔觉。但系大银幕，你郁少少就好郁了wor，好似好轻佻，好浮夸。一个镜头zoom住，走埋黎，行步路，原来系电视机行啊行啊唔觉既，但你到电影院睇果阵时呢，点解果人咁样，走路咁得意既？因为电影个画面大嘛。即系唔同架嘛。真系由头学。 李：咁讲到《假如我是真的》，当初点会有机会拍呢套戏呢？同埋羅到呢个金马影帝。犀利啦。
ALAN：《假如我是真的》系我加入左永升电影公司，台湾个电影公司。系中期既作品黎架。差唔多系年几两年，年半时筹拍呢套戏。老板系江日升，掟个剧本比我。喂，我地而家准备(言念)住要咁样拍一套咁既戏，好争议性既。当时台湾来讲，拍共产党嘛。相当争议性，同埋会出外拍。你返去睇下。拗o西头，我果时留紧长头发，到到膊头，时代青年，偶像派。你要我拍，点样拍，我心(言念)，得唔得，可信性程度有几高，服唔服到人啊。要(言念)好多野架嘛。果时返到香港几日，有d朋友，有d亲戚大陆下来。倾左几次，发现有d特制。佢地讲野好得意，可能因为以前共产党讲野成日惊，讲错说话比人清算。讲话唔一定既，模棱两可既。又可以似咁，又可以似咁。
李：冇自己意见，冇自己立场。
ALAN：风中劲草。
李：或者叫墙头草。
ALAN：有d特质。咁羅到精髓了。返来同导演讲。果时导演系中影策划指导王童。佢系第一套电影做导演，我第一次尝试拍咁既类型。我一路同佢好好默契。我系香港买好多杂志。果时日本仔影好多相，出左d书，我带返比佢睇、一路研究，几乎每一场戏点处理，我都滚瓜烂熟。因为我同佢一起投入咁多，知道o西要点做。因为我地出外景抢时间，抢光。每一分钟，悭得几多就悭，冇超支先。咁变左我地每一日拍戏就好早起身。有时去韩国，三个钟头先到一个location，先开始拍。我地可能要求三点前，四点起身。夜晚返黎食完饭呢，就大家坐住，将听日要拍d野，点，点，点。连副导演都做埋。
李：好勤力wor你真系。
ALAN：系呀，我投入系百分之百。 播放《成功需苦干》
李：谭校长谭咏麟系花左好多心血去拍《假如我是真的》呢部电影，结果心血冇白费，羅到金马最佳男主角，即金马影帝。咁金马影帝既殊荣佢有咩感受呢？
ALAN：我都觉得意外架。虽然话呢个世界有咁既收入一定有咁既付出，但有咁既付出未必系有咁既收获既。虽然好勤力，但后来自己(言念)返，原来自己当年咁付出都系有回报。但其实自己系果刹那叫我名我听唔到。系台上叫"谭咏麟"系？？小姐颁呢个奖比我，佢宣读。当年系金马奖第一次由官方交返比民间办，就大事铺张。系高雄，会所全部新开的，酒店系新既，又要花车巡游。由花车巡游去到会场，过半钟头。出发前突然间老板就话，万一，而家你系三个入围之一，三分一，万一有机会真系成为影帝，羅到奖，你就讲这张纸。我羅到张纸，望一望，都冇望入边讲d野。边度会系我呢。上车了wor，一上车着住tuxedo，一路握手。沿途有五十几万街坊出左来。握手就握到我，白色的衫就黑o西。d人又热情，又有手汗，一d有手甲，又大力，捉住好热情好大力。果半个钟头唔使睇啦。一去到会场，埋位，跟住镜头影住，点睇啊，要讲d乜野点知啊。要多谢边个点识。
李：我怀疑你睇当时张纸呢系张白纸。
ALAN：系冇睇过啊。兼且人地话我似张纸，真系张纸了，系好似一张纸飘上台既。身不由己，系唔系我啊？系唔系啊？咁仰住仰住上左台了。而且我仲系香港第一个，男明星，系台湾羅一个东南亚咁高荣誉既奖。
李：呢个系经典之中的经典了。佩服佩服。
ALAN：咁望落台呢，全部见到黑色头，同好多镜片呢。因为摄影机嘛，同埋d人戴眼镜啦。我望住呢，人既样系睇唔到既，净系镜头，跟住一片空白，要讲咩啊？仲讲国语，突然间唔识讲。变返o岩o岩去台湾既国语，"假如我是金的"，果然是"金"的。真的变成金的。成为当时的佳话。 播放《假如我是真的》
李：谭咏麟系香港乐坛地位相当之崇高。而且仲有校长之称。但当时校长作出个人第一张唱片《反斗星》既时候，心情又系点架呢？
ALAN：《反斗星》。
李：出第一张唱片感觉系点样架呢？同温拿果阵时又唔同。温拿时五个人分担责任。一个人个人唱。
ALAN：我冇压力架wor，净知道好辛苦jet。因为我系台湾拍紧戏，我要飞返来香港。讲明四日之内一定要完成呢张唱片。果时我要唱埋和音架wor。和音果part都做埋。结果呢我第一日录六只。第二日录左五只。
李：你都好神勇wor。
ALAN：我录音系快，全世界都知，出名既。我有时十分钟录一只歌的。有时又四个钟头入唔到一句，就好似《忘不了您》呢个歌一样。唱左四个钟头，一事无成。讲返《反斗星》先哪。《反斗星》呢张碟当初出十一只定十二只歌。但我之前系电视剧集既歌摆埋落去。好似系"斜阳里气魄更壮"，《前程锦绣》。呢个歌好似果时录左既。咁就花左日半来唱和音。朝早一落机十点零钟就去录音室。录到第二日八点几。录到六点钟时冇o西声了。其中有只歌叫做..."清风轻吹过，如一首新的歌"...唔记得歌名。
李："忧得几多"...
ALAN：呢个歌，系点解会咁唱架，冇左声了已经。我系用气唱。变左系"清风轻吹过，如一首新的歌"...咪系想咁既。
李：你都几机灵。好机灵wor。
ALAN：系冇左声架。因为已经录到朝早六点了。 播放《唱一首好歌》
李：谭咏麟谭校长系乐坛可以说获奖无数既，但佢第一首得奖歌曲《孩儿》呢，校长自己竟然冇咩印象wor？
ALAN：79年果时《孩儿》我系台湾。
李：唔怪之一讲是你好似好茫然。
ALAN：我真唔知wor。代领左，羅左都唔知既。
李：呢d都好兴既。咁你第一次印象好深刻，羅奖既歌就系《想将来》。
ALAN：系啦。头先系79年，80年咩？
李：80年都好紧要，首歌对我来讲，你歌入面已经系印象不太深的《莫说爱情重》。o拿，你都冇咩印象啦。
ALAN：我记得。"莫说爱情重，爱又冇用"，唔知系第一个剧集既。商台剧集既主题曲黎既。好hit过既。
李：讲开又讲，我都冇印象，你既歌里面。咁你讲得都o岩既。我地第一次觉得好系你，羅奖都系《想将来》lor。咁对你来讲，第一次有个歌曲奖项了，感觉又点先？
ALAN：当然开心啦。属于自己嘛。以前温拿羅好多奖，但果d一班人既荣誉来架嘛。呢个你个人既荣誉。
李：记唔记得你第一次上台羅歌曲奖项你感觉又点呢？会唔会好似羅金马影帝咁紧张啊？雀跃啊？
ALAN：冇。金马影帝(言念)返起都好笑。
李：即系羅歌曲奖项就气定神闲好多啦。或者有国际赛经验，返左黎就？。
ALAN：都唔系。每一个奖项都兴奋架啦。但紧张就冇。兴奋开心一定有。 播放《想将来》
李：谭咏麟系乐坛获奖无数。但讲到其中一次最深刻，最开心的，可以话系当年凭着《忘不了您》一张专辑羅到当年最佳大碟奖。
ALAN：系呀，系大奖黎架。当年系摆系最尾既。
李：系，不嬲都系架啦。
ALAN：最尾个环节。系最佳男歌手女歌手之后。仲大到系咁既。
李：咁呢张大碟当初制作有d乜野呢？
ALAN：个制作...都系一样咁做架啦。好快返来录完得啦。但系最记得反而系《忘不了您》呢个歌，呢个歌我晏昼录既，我系日本听呢个歌，滑雪果时忽然朋友羅来呢个歌，我最近羅到咁既歌，cover version，系五轮真弓，你听下。咁听下，哇，咁好听既？但咁难唱既？呢个歌好考功夫既。歌词有了，林敏聪写既。跟住落机咪返去录lor。一录，四个钟头啊，录完之后自己都听唔入耳既。冇可能咁唱既，唔系咁架wa。入唔到味wor。咁我就放食饭啦，我自己就空肚落街，买樽XO，空肚饮左四分三。
李：你都用心良苦wor。
ALAN：等佢地食饭，食完。黎啦哎呀。个人晕左果种感觉。有mood了。跟住就录，一take，补一两个字。一take，就系而家听到果d。因为我唱歌好得意既，我注重个mood既。我觉得mood先至系最o岩听。可能有时瑕疵会有d。但如果唔系太大既瑕疵呢，我宁愿keep个mood。我觉得mood先至系唱歌最能够捉住人既感觉。
李：梗系啦，因为人本身系有瑕疵架嘛。如果人系十全十美既话，就唔系人啦。
ALAN：就唔系艺术品啦，艺术品有起伏，有高低既。如果永远一条直线系顶黎既，平左了。唔系艺术黎既，我觉得了。 播放《忘不了您》
主持人：当年谭咏麟凭着《忘不了您》这张大碟拿下"最佳大碟"荣誉，原来他拿奖的时候曾经发生过一个有趣的小插曲。
ALAN：我拿这个奖那时候，黄沾做司仪，不知道他自己记不记得，在利舞台做颁奖，我坐在下面，突然间大家行过楼梯经过，我望着沾叔打招呼，他说"哎，你的！"。"什么？什么我的？"后来我拿奖才知道他讲什么。
主持人：他很好啊，提示你，但又没有全部。
ALAN：我完全都不知道。那时想到自己，前面有几多前辈，罗文啊，甄妮啊，小凤啊，阿sam啊，诸如此类，几多啊。想不到自己啊。
主持人：拿完这个奖以后，感觉怎么样呢？之前没预计过的。
ALAN：真是很开心。觉得自己终于摸到路，用什么类型的歌sell到自己出来。 播放：小风波
主持人：凭着《忘不了您》拿下最佳唱片奖之后，谭咏麟谭校长跟着的碟都很受欢迎，水准都很高。好像《雾之恋》这张专辑，制作过程又是怎么样的呢？
ALAN：《雾之恋》专辑怎么制造出来？你知道，那时很兴唱cover version的。翻很多日本的歌。翻很多日本歌手hit过的歌。有根据，知道它够hit。我反而记得唱片封套，在一个木场，很大条的木，一条条。在那里一路。影出来的相，头(发)吹得好涨。半片蓬起，半边斜落去，当时很日本仔的。
主持人：是啊，那时日本感觉很强烈的。
ALAN：著大衣啊。
主持人：里面的歌，比如《雾之恋》算难唱的歌吗？
ALAN：《雾之恋》我记得，我录这个歌时录到哭了几次。因为我太投入这首歌。很有趣的，我录音拣歌，拣歌听了melody，做demo时可能净得个琴，一个吉他。很full的packing。我一路听，歌词我不看的。我要很instinct的感觉。melody熟了，你给我歌词，我即刻看到画面，看到整个picture是怎么样的，然后代入进去，唱出来。我录这首歌很有feel，很有戏里分这个镜头的感觉。 播放《雾之恋》
李：在谭咏麟谭校长《雾之恋》这张专辑里面除了主题歌曲《雾之恋》谭校长说自己好有感觉之外呢，另外有一首好歌《幻影》，对于这首歌，校长又有不同的意见，不同的感受。
ALAN：《幻影》是首好歌，好难唱的。但我的mood反而没有去到《雾之恋》那么强。虽然是好歌，我投入的感觉当然是百分百的，但没有去到唱完之后会眼湿。《雾之恋》"每次我望真你，每次我望真你"。成个画面里，一个女子经历过这样这样，即刻顶不顺。《幻影》就虚幻了点，没有那么真实。浪漫点，可能诡秘点。 播放《幻影》
李：好多时候歌手和歌迷对于歌曲的选择都有不同的。关于谭咏麟谭校长他好的专辑好多，仁杰特别喜欢《雾之恋》和《爱的根源》这两张专辑。至于校长谭咏麟他自己的喜好，自己的选择会是哪几张呢？
ALAN：《雾之恋》同《爱的根源》，说专辑，《爱情陷阱》这三只好平均。另外还有一只，其实我几钟意一只叫什么啊？有《情凭谁来定错对》，有《再见亦是泪》。《梦幻的笑容》啊。
李：那这张就是近期你自己最钟意的一张专辑。
ALAN：这是中期的。近期的就现在这张。
李：通常近期的就是最钟意的嘛，最好的。
ALAN：不是，的确是不错。
李：最新这张是怎么样的？
ALAN：最新这张是那个，好..平均，因为我们好着重melody，同埋有我以前的feel在里面。 播放《情凭谁来定错对》
李：谭校长谭咏麟在香港流行乐坛掀起好多好多个热潮。其中一个热潮就是八十年代中期出现的日本改变歌。究竟当年是谁的主意改变日本的流行曲的呢？
ALAN：关维麟。他的拿手戏来的。

[此贴子已经被作者于2005-5-8 13:16:38编辑过]

ortega

李：那你当初看到那么多日本改编歌，其实你自己钟不钟意呢？
ALAN：钟意。因为在那时来说是新的。那时日本歌的确在音乐方面，日本歌好过香港。我们拣的时候，好多的歌已经hit了，会hit一定有它的因素。我们拣了之后就用arrangement和自己的演绎方式。好多时候会成为好大hit的歌，事半功倍了。
李：对。当年除了关维麟拣，你有没有手择日本歌？
ALAN：有。好似《爱在深秋》。虽然这首是韩国歌，但他有唱日本version，在和平音乐会唱的。那我在日本的和平音乐会听到，哇，那么正。我听到这首歌好正就拿来了。是我拣的。 播放《爱在深秋》
李：谭校长谭咏麟当年掀起过香港流行乐坛好多个热潮。其中一个热潮就是偶像热潮。当年ALAN是不是有好多人帮他设计形象的呢？
ALAN：没有形象的。我这个形象是慢慢慢慢build up来的。以前没有人讲这些，没有人讲歌手应该什么形象的。那时是讲什么好歌的。以前歌手不多，现在很多。出场要捉住人家的感觉，加深别人的记忆，那就好多形象，好多奇奇怪怪的gimmicks放下去。以前就没有的，以前是歌，一首好的歌就掂了。
李：以前的形象是经过很久浸淫出来的。无论包括你行出来的感觉，舞台上的感觉，唱歌的风格。 播放《雨夜的浪漫》
李：谭咏麟谭校长一手掀起香港乐坛好多好多个热潮，有日本改编歌热潮，有偶像热潮，当然还有演唱会热潮。在1984年谭咏麟就开了第一次大型个人演唱会，开了六场。
ALAN：六场。当初是做四面台，中间台。
李：当初的筹备是怎么样的呢？第一次好大型的。
ALAN：他们画张图出来，飞碟那样的。我第一次去看在搭台，好多架子，我就走了。第二日夜晚回去，雏形出来了，我望着，只是觉得好靓。当时未开灯。灯光效果出来，烟哪，各种效果。成个舞台出来给人的感觉会震的。同埋好笑的我不记得哪位街坊说，不如将你们的舞台的飞碟搬到我们这里啊，我们给细路仔玩。他们不知道下面只有木架黏住，撑住，是搬不走的。
李：还真以为是只飞碟，好有成就地搬走。好多歌手的梦想是在红馆开演唱会。你当年站上红馆第一场第一个感觉怎样？
ALAN：震啊。因为唱歌不是难事，唱到怎么样，尽力就得。但是面对万几人的感觉，我都不知道怎样去控制。同埋四面的。我企上台之后一熄灯，周围都是一样的，望这边是一样，那边也是一样，只有一个感觉，周围黑。我们在台上每晚要记的超过几百样。什么时间行到什么位要讲什么对白要做点什么。错一样就乱o西龙了。 播放《夏日寒风》
李：谭咏麟在过往的演出经验相当之丰富。但在他第一次开演唱会或者过往演出的时候，最深刻的虾碌，或者出错又有哪些呢？
ALAN：我记得有一次，不是第一次，不记得是84还是85，不记得了，最好笑就是我up错歌名了。我将《爱在深秋》，不是，将《都市恋歌》up成《爱在深秋》，调了part。
李：于是d人就...
ALAN：台底的人已经将《都市恋歌》的霓虹灯一路闪啊闪啊开始想上来了。怎知道音乐一起，工作人员不知道，就按开关，灯就闪。指挥一听到《爱在深秋》就一只手来《爱在深秋》就起了，怎知道《都市恋歌》的霓虹灯就鬼鬼祟祟上来闪下闪下上来，跟着就闪下闪下一路回去。我就听到一路有人走过来闹我，跟着一?灰色的??就扔回上来。跟着我唱歌，一路唱一路想笑，又不敢望，一路好嘈，我站在台中间，周围都是人，下面的工作人员好忙，搞到乱o西笼。
李：你头先讲的都有好多？？，你知道唱歌会发生很多事。举例头先的情况，好想笑，但又不可以笑，你正在唱歌，唱到震下震下。
ALAN：我这样控制得几好。除非自己已经？？。要看combination的，要看有什么人在这里，有些什么人搞住你。都有一次好笑的是d人同我count down。encore这part，我好想唱，但好急，要去厕所。"你们等我啊"，讲完之后，然后一路倒数，数了几下？
李：没人记得了。 ALAN：数了百几下。万几人一路数，走回后台。
李：那你都好快。 播放《都市恋歌》李：一个歌手总会试过发台瘟或者出错唔记得歌词，谭校长在过往的日子，不记得歌词他又点算呢？
ALAN：这个有排了，而家好d了。
李：我知道好多不记得歌词，你知道音乐好大声，掠过去就没事了。这是不是一个好方法，你自己认为呢。
ALAN：掠过去是必然的，一个职业的歌手一定要识"掠"。
李：要掠得好似好似咁。 ALAN：大家都不觉。
李：好似好有感情的。
ALAN：这时有什么呢？大家...，跟住听第d野了。
李：有没有试过发台瘟，什么都不记得。
ALAN：我最记得有一次唱《爱在深秋》。
李：次次都是《爱在深秋》的？
ALAN：出过好多事的真是。我不记得做什么，可能刚刚喉咙咳咳的。将意思唱成掉转的。想想先。..."怎会分手"可能意思是这样的，但我咳一咳变成"怎会不分手"。
李：啊？
ALAN：这个歌人家多熟。我唱完之后没什么。但突然听到好静的音乐过门的时候，刚刚唱完这句的时候，在山顶，右手边的山顶，有个人"啊？！"这样。好尴尬。
李：跟着呢？
ALAN：跟着？当没什么lor。我知道你为什么会笑啊，但她不知道我为什么这么唱嘛。变成弹个音出来。 播放《爱到你发狂》
李：谭咏麟谭校长在香港乐坛拿奖多已经出了名了。他曾经试过一日之内拿六个奖项。问返他他说"不是，拿九个至真。"
ALAN：不是，是九个。
李：是九个吗？报导成日都错的。
ALAN：我不知啊。
李：84年4月28号啊。
ALAN：是劲歌啊？
李：是啊，一日之内拿六个。
ALAN：九个啊。
李：九个这么多？你数来听下。
ALAN：三只歌，仲有一个最佳金曲，最佳男个手，当时是这样的嘛。仲有原创啦，最佳填词啦，最佳歌曲，最佳作曲。
李：哦，这些都搂埋就九个了。喂，拿九个奖，感觉是怎样先？
ALAN：嗯。个感觉。个感觉其实好好笑的。因为如果观众投票，观众选那些呢是十个的，专业人士选是八个。
李：咪住咪住，我想知呢，你收到的消息...
ALAN：那年是啊。开个人演唱会了，TVB高层说现在情况这样。那我说不好吧，好得人惊jet。好似好过分自己觉得。变成三个，cut o西都不要了。
李：你这样讲我觉得真是的，因为那年好多歌我们都觉得好好听的。不明点解d歌未入选哦。
ALAN：是啊。十只，十全十美啊。因为我好密的，你知不知啊，我每一次出碟我几乎拍八只以上的歌的。连出两只碟，二十只歌就拍十六只，每一季起码有四只这样了。好似好过分啊自己看来。 播放《爱的根源》
李：谭校长谭咏麟身边有好多好多歌迷支持。而当年八十年代，另一位偶像歌手张国荣也都有好多好多歌迷支持的。谭咏麟的歌迷同张国荣的歌迷曾几何时，势成水火。谭校长怎么看这个事件呢？
ALAN：她们不懂事啦，d歌迷。我都有教导我的歌迷，我的歌迷都好听话。但那么多歌迷，不一定是歌迷会的嘛，可能会有不同的反应，或者做出过激的行为，双方面的歌迷都有这样。你做初一她就做十五。变成搞来搞去搞到歌手尴尬。我同leslie本身没什么。
李：歌手本身就没什么，只不过d歌迷就令你们好头痛。
ALAN：是啊。
李：那怎么办呢，再那时候。
ALAN：不停教育，不停教育。
李：那时校长的身份已经培养紧了。好似个训导主任那样"喂喂喂喂，唔该你不要这么做"。
ALAN：我如果知道哪些人会做这样的行为，踢出会的。
李：是不是因为，歌迷是一部分，或者拿奖太多其中一个原因。搞到你在87年宣布不拿奖，还是在我们的十大中文金曲颁奖典礼上面。
ALAN：也不是这样的...其实就是，那时候我自己想，都有听到人家讲些闲言闲语，其中一部分啦这个原因就是。但我都会想，是啊，乐坛真的应该多些人参与，有多些新的面孔才健康的。我觉得，我作出这个决定时想了很久，都很久了。想到那一天，我上去宣布之前，找了两个最亲密的战友，一个就是艺能的我partner张国忠，另一个就是唱片公司我以前的监制，后来升经理的关维麟先生。我就同他们讲"这样这样，我已经想了很久，不是一时冲动，我也觉得自己需要这样做。人家怎么看我不理，或者用时间证明给外面的人知道，我的意向是怎么样。"我也说了我不拿奖不代表我退休，不拿奖不代表我对这样东西已经失去兴趣。这一路都是我的职业。我就讲给他们听"千万不要劝我。我已经决定了。"跟着就出去讲，一路讲的时候一路都好嘈的。讲讲就静了。我知道在那刹那，歌迷未必可以接受得到。因为一只歌得奖，不但只是代表歌手的荣誉，也都代表歌迷对你捧场的眼光，同埋她们一直以来支持你的心血。她们都有派成绩表。这是一种共鸣的欢欣来的。所以我也觉得要给时间她们去接受，同埋一刹那间未必会想得通的。所以我在之后都解释了很久的。后来证实了这个行动是对的。 播放《无言感激》
李：谭咏麟在乐坛获奖无数，但有哪些奖他是最钟意，最深刻的呢？
ALAN：音乐上啊？我第一次拿一张最佳大碟了。81年好像，不知是81年还是82年。
李：通常都是迟一年的嘛。只碟81年出，82年头拿的嘛。通常第一次拿最佳大碟或者最佳歌曲就深刻点。
ALAN：是啊。因为那时音乐上没拿过奖。觉得好开心的。
李：是。那第一次拿最佳男歌手或者最受欢迎男歌手呢？
ALAN：那时已经到很...
李：好似很囊中物的感觉是不是？
ALAN：不是。好像好邪的，哇这么多奖扔过来的？
李：那时好多人，说真的，都候着的，想拿的啦。
ALAN：我拿了四年lor，各台。
李：我知道，你那时好厉害，横扫的。
ALAN：所以我现在看回就好得意的，而家d颁奖礼就好似因为要分得好均呢，要应酬每间唱片公司要员的关系啊。大家要分的好均。有时看"不是吧？点解会拿到最受欢迎什么lor"。看返来好得意lor，如果你话要公信力，或者够pop的，有这样的势，同埋有这样的成绩，点解唔俾o西人jet。一个人lup o西，如果真做到这样，是不是。而家派来派去，变成引起好多非议，不同声音lor。
李：不过如果时光可以倒流，你可以拿全十个奖，你会不会这么做先？
ALAN：我已经不会啊，我已经退返七个了。
李：我给你拣多次wor。如果给你拣多次。
ALAN：都一样的。
李：都不会去到太尽。
ALAN：我人的风格不是这样的。 播放《谁可改变》
李：在1987年谭咏麟谭校长宣布不再拿香港乐坛任何音乐奖项。对于当年的决定，校长看返都没后悔过。
ALAN：如果我那时还拿奖的话，往后三年都不会怎么变的。
李：是。
ALAN：因为第一，我是一个好勤力的歌手，我做事是...我觉得我责任感好强。我成日都说过，一只歌的诞生，好似一个细路仔的诞生，你有责任去抚育他成材。如果歌hit的，好似代表你供书教学这样。可能给他读书好像宣传，卖报纸、上电视打广告，好似小学。跟着你自己人自己出去做多点宣传，那就是中学。再做多点大型的表演啊，参与啊，得埋奖就大学。再拿到更高的荣誉就是博士。我觉得是这样lor。因为歌是艺术品来的，不是个人的东西，有好多人一起做的。有幕后功臣，作曲作词，还有好多人去行这首歌。一将功成万骨枯。
李：同意。
ALAN：好多事一间唱片公司里面，或者经理人公司里面，无数的关系，无数的承诺，无数新人的工作，才想出来一首成功的歌。但歌手本身一首已经抹杀了，不去做宣传，对其他人就不fair了。所以我说虽然我不拿奖，但我人都一样这么做。继续努力。 播放《半梦半醒》
李：校长谭咏麟讲给我们知，其实在乐坛不拿奖都要付出点代价的。自从不拿奖之后，做的宣传工作似乎没有以前那么有效力wor。
ALAN：一定的。这是相对的。因为d歌，第一，歌要播得多先入脑，才容易打动乐迷或者买唱片人的心。你不是第一线了，唱片公司都有打算的，你不拿，他跟着后面都要做的。他会想点人出来摆上位。
李：对。
ALAN：所以好必然的事来的。你自己看得到，要拎得起放得低。我觉得是这样。
李：其实你是个好拎得起放得低的人。
ALAN：好多方面都是，我觉得。
李：有没有曾经后悔过呢，不拿奖之后。
ALAN：冇。
李：好好啊。我知道你不拿奖之后，音乐工作上的确逍遥了好多的。
ALAN：做多了不同类型的野lor。成日以前要就市场啦，要就唱片公司计的数啦。好多时好多自己想试不同类型的歌都不敢试，牵连好大，好多野。直到不拿奖好多野尝试过啦。《爱情故事》一边讲野一边唱歌。另外《义胆雄心》好似个歌曲这样。
李：扮o西呢个杀手。
ALAN：其实我成日都有构想的，我觉得《义胆雄心》可以做个舞台剧，都会很好看，好得意的。好多歌在里面。
李：都得的。都早过《雪狼湖》好多的。 播放《红尘岁月》
李：谭咏麟谭校长除了当年在香港出了好多好多唱片之外，也都在东南亚不同的地区出过不少的唱片。
ALAN：我在日本出了五张唱片，韩国三张。国语碟就要数一数先得。
李：都不少。
ALAN：不记得了，好多张啊。
李：是啊。其实在这些地方出唱片感觉怎么样？先讲台湾啦。
ALAN：国语的。那时好早期我出唱片呢，台湾的市场还被翻版影响到好犀利。如果那时东南亚是一对七，就是一张正版，七张翻版呢，台湾就是一对十一。比例就是这样，那时听说是这样。到后来因为禁得好犀利，同埋quality真的比不上正版，台湾音乐市场变得好好。直至到这两年，因为翻版CD，CD的质数不会变得太离谱，太影响呢。翻版出动。台湾market都同香港一样跌了六成。
李：当你在台湾宣传，惯不惯好密集的攻势呢？
ALAN：台湾因为散点，你要落到台南台中台东啊。真是好多不同的电台。电视台那时都有三个啦。那有好多不同的节目啦。做宣传要个零月先至会见效。 李：那你钟不钟意在台湾出唱片的**呢？ ALAN：钟意。我以前在台湾一路拍紧戏出唱片的嘛。所以**都是这样lor。 播放《爱情玩偶》

ellanfu

第一条问题，你最唔钟意食咩呢？
ALAN：蒜头，一粒粒既蒜头。蒜蓉都得。但一粒粒既蒜头，煮(食送)果d，食左做闷想呕。
男：荞头食唔食得？
ALAN：荞头？同蒜头有咩分别？酸果d啊？食，果d食。生蒜果d一粒粒，同埋熟既都唔得。蒜蓉就得啦。
女：蒜子炒牛肉果d。一大粒咁。
ALAN：唔得既。食左就会呕。
男：呢个“食物焚化炉”名要除下了，原来有个焚化炉焚唔到既。系粒蒜头。
ALAN：有死穴啦。

跟我一样

ellanfu

第一条问题，你最唔钟意食咩呢？
ALAN：蒜头，一粒粒既蒜头。蒜蓉都得。但一粒粒既蒜头，煮(食送)果d，食左做闷想呕。
男：荞头食唔食得？
ALAN：荞头？同蒜头有咩分别？酸果d啊？食，果d食。生蒜果d一粒粒，同埋熟既都唔得。蒜蓉就得啦。
女：蒜子炒牛肉果d。一大粒咁。
ALAN：唔得既。食左就会呕。
男：呢个“食物焚化炉”名要除下了，原来有个焚化炉焚唔到既。系粒蒜头。
ALAN：有死穴啦。

跟我一样

蝴蝶

好长啊,慢慢看,爽!