[原创]ALAN 84演唱会全粤语道白（第一部分完）
<P>
ALANTAM 84太空旅程演唱会之全粤语道白
<P>
<P>
<P>
<P>
本文记录ALANTAM 84太空旅程演唱会之道白，为保证道白之原汁原味，本文用粤语原音记录。
<P>
<P>
<P>
<P>
第一部分：ALANTAM 840001视频之道白
<P>
<P>
<P>
<P>
开场前旁白：
<P>
<P>
各位搭客请注意，各位搭客请注意，我哋係谭咏麟84飞碟里面嘅太空人。首先，我哋好欢迎阁下参加由华星、影舞者两大星球主办的谭咏麟84太空旅程。呢个咁抵玩嘅旅程，亦都係由两大恒星：伴道日本台湾曼谷团、美国喜廉者哩水赞助。
<P>
<P>
响飞碟航行嘅旅程中，请各位尊重我哋嘅规则，唔好用录音机、录影机将我哋今次太空旅程嘅秘密泄露出去，更加唔好用闪光灯影我哋嘅相，以免刺激我哋班外太空人嘅眼部神经组织。多谢你哋嘅合作！
<P>
<P>
一阵间，如果你哋係好兴奋同好开心嘅时候，你哋可以利用你哋嘅随身行李——hand-carried,即係啲电筒仔同埋啲BB帮我哋制造啲气氛。Thank you!
<P>
<P>
谭咏麟84太空旅程即将开始，请各位搭客扣紧你哋嘅安全带。飞碟航行中，唔好周围郁。落足眼力，去睇嘢同听嘢！
<P>
<P>
而家，我哋不如一齐倒数：十，九，八，七，六，五，四，三，二，一。Fire!
<P>
<P>
<P>
<P>
（1）夏日寒风
<P>
<P>
（2）捕风的汉子
<P>
<P>
<P>
<P>
ALAN道白：
<P>
<P>
啊，好热啊！等下先啊，我除咗件衫先。
<P>
<P>
各位朋友，你哋好！有冇状态，今晚你啊？唞够未先？有几多人嚟返睇嘅？哇，为数唔少喔！都有十、十个percent喔！
<P>
<P>
噫嘻，望过嚟，望过嚟囉！我听见啲咁样嘅叫声、掌声，同埋啲欢呼声，就知道全香港最有爱心嘅人，全部都喺嗮呢度喇！发达喇，发达喇，今晚，有得你哋嘘喇，有排嘘。好，将一首好有爱心嘅歌，送畀最有爱心嘅在座各位，每位朋友：《爱是这样甜》。
<P>
<P>
<P>
<P>
（3）爱是这样甜
<P>
<P>
<P>
<P>
ALAN道白：
<P>
<P>
多谢！
<P>
<P>
<P>
<P>
（4）爱的替身
<P>
<P>
<P>
<P>
ALAN道白：
<P>
<P>
多谢！多谢！
<P>
<P>
今晚呢，就係第六晚，就係最后一晚。其实呢几晚以来，我就一路喺度观察嗰啲、即係入嚟睇嗰啲朋友，即係边一款啊。结果发觉呢，第一晚、第二晚，疯狂喔！疯狂！第二、三、第四、第五，噉又唔係好斯文喔！开头就几斯文下嘅，慢慢，慢慢，哇，连tie都除埋嚟FIK（FIK意思为甩、挥舞，没找到对应粤语字）。看下今晚点！我唔介意架，你哋嘘，发泄啦！哈，预咗嘅。
<P>
<P>
好多呢，返工啊、打嗮tie嗰啲嚟，一下子可能慢慢变样嘅喇。我知，除咗返工啊，仲有好多学生嘅，而家放紧暑假。咁嘛，放咗榜啊，好多，今日。掂啊？衰咗，又唔紧要架，都！再嚟过。真係架，呢样嘢，真係。係唔係，係唔係先？掂咗固然之值得鼓励，跌喺地下唔紧要，至紧要起身爬得快！我谂呢个係宗旨，呢个做人宗旨。好嘢，应该係咁嘅。
<P>
<P>
其实讲讲下读书，就，9月5号就开学嘅啦。（观众：9月3号）有冇搞错？先生呃你两日啊？（观众：係9月3号）9月3号乜？我哋嗰阵时9月5号嘅喔！（观众：战前）战前（笑），冇，冇咁耐。
<P>
<P>
当我每一次返学呢，都有一个心情，就成日望住隔离张台，望住张台，心谂：“唔会係佢啩？唔会係佢啩？”你哋有冇咁样嘅心情先？（观众：冇）冇？噉係读师姑庵啦，一係就和尚寺。
<P>
<P>
一路喺度谂：“会不会真係佢呢？”呢个疑问好快、一定好快就答复咗喇，果然真係佢！我每当一见到佢入嚟嗰阵时，我心就猛嘅喇，直情头晕、脚弊、手软、心震，乜都嚟，完全唔知道先生喺度讲乜嘢嘅。喺嗰时候，我就同自己讲：“靓仔伦”、、、（被观众长时间嘘声打断）
<P>
<P>
靓仔伦係我读书嗰时嘅花名嚟嘅。（观众继续嘘）
<P>
<P>
嗰阵时读书，嗰啲同学仔头脑比较简单啲，比较直接啲，见到戴眼镜嘅就四眼仔，肥就肥仔，瘦就瘦仔，咁我嘛、、、（ALAN笑，观众继续嘘）
<P>
<P>
哈，顶我唔顺？（笑）
<P>
<P>
我不断同自己讲：“阿伦，你一定要鼓起勇气，你呢一生嘅幸福，就决定喺呢几秒钟喇！”（观众惊叹声）所以我一定会即刻起身，同先生讲：“阿SIR，我唔要坐喺陈百祥旁边，佢有口臭嘅！”
<P>
<P>
但係嗰先生一定会咁讲嘅喇：“啲位已经编好嗮喇，谁可改变呢？”
<P>
<P>
（谁可改变音乐起）陈百祥唔知有冇嚟睇呢？今日？
<P>
<P>
<P>
<P>
（5）谁可改变
<P>
<P>
<P>
<P>
（6）创造命运
<P>
<P>
（演唱将结束时ALAN讲：“我哋一齐叫好唔好？唔叫都拍手啊！”）
<P>
<P>
<P>
<P>
ALAN道白：
<P>
<P>
哇，啲衫真係好热！
<P>
<P>
好嘈啊！一个一个讲。嚟，一边讲先。AHYAYAYAOH，真係听唔到你讲乜。（转向另一边）听下呢边讲乜。
<P>
<P>
张文生？ALAN样啊？睇报纸嘞？女仔就唔好讲，男仔就马马乎乎啦！不如讲下第二啲嘢啦，唔好讲埋呢啲。
<P>
<P>
唔，讲我老窦啊？我老窦就劲囉！我老窦踢波，踢波出世运，佢就成日攞个表、个金表，希特拉送畀佢嘅，佢话，1936年。呢啲嘢好多，讲到好长篇，唔好讲啦。
<P>
<P>
啊，讲爱情？好啊，又好啊！好，听我讲爱情啦。其实我细细个，因为我好早熟啊，我九岁就开始接触呢样嘢。好细个真係，就开始，真係，就识得乜嘢叫识女仔诸如此类呢样嘢。
<P>
<P>
噉我就，有一个时期，试过储咗啲钱。细细个你知啦，唔搭巴士返学，行路，又食好少嘢，两块面包咁就算喇，咁就慳咗一个礼拜嘅钱，买咗张POSTER，一张POSTER，就係皮礼士利嘅POSTER，猫王啊即係，佢着住件紫色嘅SHIRT衫，嗰头係咁样嘅，啊，好劲！攞去送畀我女朋友——阿CONY。阿CONY一打开道门，一睇见呢，就即刻揽住就锡喇，噉、噉係唔係锡我啦，锡张POSTER，佢锡完张POSTER，望一望我，就话：“点解你唔着紫色SHIRT衫嗻？嗰头又冇型？”当时我嘅心情呢，就好似腌缸里面啲腌菜咁样——UPK（无法写出的粤语字，意思为闷、屈）住。係咁样呢，我又过咗一个礼拜，又再储钱，又偷埋细妹嗰个钱盎，买咗件紫色嘅SHIRT衫，电咗个飞机头，再去见CONY。CONY一打开道门，一睇：“你做乜鬼嗻？”跟住我望入去佢房入边，见到四边墙已经贴满嗮披头四阿LINGOR（？）嗰啲相啊，当时我知道冇行啦，我就冇所谓啊，但係谭咏麟就喊到FI FI 声，佢仲问我点解CONY唔要佢喔？我话，人哋要嘅係红须绿眼啊，就算你点改啊，你都係黑发黄肤，人哋唔会要你嘅，人哋点都唔会要你嘅！
<P>
<P>
<P>
<P>
（7）爱的根源
<P>
<P>
<P>
<P>
（8）音乐（夜来香）+午夜丽人
<P>
<P>
<P>
<P>
ALAN道白：
<P>
<P>
多谢！多谢！
<P>
<P>
坐下嗻得唔得啊？坐下先，得唔得嗻？好鬼攰啊，知唔知啊？
<P>
<P>
呢个台好似个金鱼缸咁，行嚟行去，游下游下，不停咁游，人都晕埋。又坐下，又倾下偈，就好啲，TARTIU（不知怎么写的两个粤语字，意思应该是舒服）啲。
<P>
<P>
（观众：坐上嚟啊！）坐上嚟？得番块布喔都似，丁字布，相扑嗰啲。
<P>
<P>
唔，今日噉係好日子喔，咁开心嘅，有人烧炮仗嘅直情，过年过节咁嘅。
<P>
<P>
过年过节你做乜架？（有观众答：媾女）媾女？边个讲嘅？咁大胆，公众场所讲埋啲咁样嘅说话！
<P>
<P>
（另一观众答：去PARTY）去PARTY嘛，咁啱数啲。一讲起去PARTY，一到12月就係个旺季。又记起12月24日一早起身、、、唉，呢个嘢成日顶住我，讲唔到嘢。就咁搣。
<P>
<P>
12月24日一早起身、、、（另一边观众鼓噪：ALAN过呢边）唔使急嘅，一定会过嚟。（观众：而家啦！）上去囉，个个都睇到。（ALAN上高台）
<P>
<P>
12月24日，呢个好多少女唔会忘记日子，一早起身，Susan、Mary、Linda、Jacolin同埋赤柱country班全体女学生，打电话嚟约我去PARTY。赤柱女校，问你惊未？我心谂，我係一个最有爱心嘅人，我唔可以令到佢哋其中一个有希望，因为我唔想佢哋其他啲人呢失望，啱唔啱？所以呢，嗰日一食完饭，我就离开屋企。出去等LIFT嗰时呢，一望，望去隔离，小兰，隔离邻居嘅小兰出来，满面雀斑，佢戴住个八百度嘅眼镜，头上扎住两条马辫，手就攞住个兜，佢话落街买猪肠粉畀细佬阿妹食。我一见到佢，望一望下佢，佢就好怕丑嘅嗒低头。喺呢个时候，我就发现我应该将我啲爱心攞出去，做一个圣诞老人，于是我就问佢：“小兰，你今晚得唔得闲啊？”点知佢话：“你慳啲啦！” 佢仲话啊：“我已经约咗陈欣健喇！”
<P>
<P>
<P>
<P>
（9）MEDLEY：少爷威威+爱人女神+天边一只雁+相识非偶然
<P>
<P>
（唱相识非偶然时，有观众大力拉ALAN，ALAN：“HELLO！喂喂喂，唔好！”）
<P>
<P>
（后有观众送花，ALAN：“好靓啊！多谢，多谢！”）
<P>
<P>
+柔柔河畔+小风波
<P>
<P>
（唱小风波时见到观众席上的阿SAM，叫了一声“阿SAM”）
<P>
<P>
+风中劲草+小生怕怕
<P>
<P>
<P>
<P>
<P>
<P>
ALAN道白：
<P>
<P>
哇，啲太空鬼咁鬼犀利嘅？啲鞋带甩埋添。HI，係懒佬鞋嚟嘅。（有观众说：ALAN喘大气喔）气，整场波嘞！睇下点？
<P>
<P>
<P>HA，头先讲嗰啲，我啲细个啲，爆咗啲你听，HO？你都知？又爆、、、 </P>
[此贴子已经被作者于2004-12-1 17:08:59编辑过]
<P>听不懂，应该看得懂吧？</P> <P>哈哈，</P><P>好呀，</P><P>辛苦了。</P> <B>以下是引用<I>的士司机</I>在2004-10-15 18:23:48的发言：</B>
。
<P>那里写着有802首，但是很多重复的。。你是计算高手，不然就不会问你了对吧</P>
你对这个问题感兴趣，自己可以算一算嘛 <B>以下是引用<I>herofy</I>在2004-10-15 18:30:02的发言：</B>
广东俚语看不懂。
其实很简单。慢慢推敲，就可以推敲出很多东西。 非常好，感谢你，终于看懂了 <B>以下是引用<I>的士司机</I>在2004-10-15 18:08:20的发言：</B>
忘了红灯有没有算一下ALAN一共有多少歌，不包演唱会，在专集了没有重复的
rickytong.com的ATMDB资料库是这方面的权威，请参考那个网站。 广东俚语看不懂。 楼主辛苦了！！！ 已更新到第八首歌：午夜丽人 谢谢楼主啦！辛苦你了！ 真是不容易啊！非常好！一定要继续下去啊！多谢了！