李克勤再次榮升爸爸阿倫差啲爆響口！

雷斯里 · 发表于 2010-4-7 19:23:22

來源：東方娛樂

譚詠麟（阿倫）雖正身在內地，但當然早就接到克勤的通知，他笑說：「忍口忍得好辛苦，依家公布咗，返嚟我就可以去探喇。（送咩畀克勤？）睇吓佢鍾意咩先再搵人做，（叫佢追多個女？）睇佢自己意願。」昨晚他更在微博上寫到之前為保守克勤再度添丁的秘密，竟「差啲發開口夢爆咗出嚟」，十分搞笑。

來源：大公娛樂

恭喜！恭喜！恭喜李克勤再做父親，昨日他親自撰文向大家宣布他的「二老闆」Rex已於上星期出世，母子平安，Rex出世時重三點三千克，與哥哥Ryan餅印一樣。

克勤寫道：「大家好，我係克勤，嘻嘻……有件開心事想同大家分享，我的『二老闆』上星期在養和醫院出世了，母子平安，我們一家人非常開心。同上次『大老闆』出世一樣，我也有進產房，二老闆出世時重三點三千克，是個男生，似Emily定似我？最似Ryan，餅印一樣！」克勤又道：「（二老闆）中文名還在想，英文名叫Rex，不是大家猜的Wayne or Paul or Gary or...Rooney或其他曼聯球員名！其實上次大老闆叫Ryan跟Ryan Giggs是沒有關係的，我們純粹覺得Ryan很好聽，好像很斯文，而且意思我們亦很喜歡，果然Ryan現在差不多二歲半，真的比較文靜，整天愛看書。」

留家至五月再戰江湖

克勤又謂老婆及Rex已出院，而這段時間他會盡量留在家中照顧太太及BB，五月才再戰江湖積極搵奶粉錢，屆時會推出全新廣東唱片，又會繼續《左麟右李巡迴演唱會》。克勤又感謝所有關心他們的朋友、醫生、護士和養和醫院的所有工作人員，他寫道：「當然還有傳媒朋友，我會盡量每隔一段時間自動自覺報道最新情況，所以……不用在我家樓下等了，哈哈！感謝！」

我爱被窝 · 发表于 2010-4-7 20:59:57

恭喜克勤！

ellanfu · 发表于 2010-4-8 09:52:49

克勤爸爸要努力赚钱了

麟の守护天使 · 发表于 2010-4-8 21:03:52

恭喜克勤家又添新成員

麟の守护天使 · 发表于 2010-4-8 21:06:36

恭喜克勤家又添新成員

李克勤再次榮升爸爸 阿倫差啲爆響口！

李克勤再次榮升爸爸阿倫差啲爆響口！