伦币 元
积分5399
主题
回帖0
精华
阅读权限200
|
<img src="data/attachment/forum/dvbbs/2005-8/20058165381521146.jpg" border="0" onload="if(this.width>screen.width*0.7) {this.resized=true; this.width=screen.width*0.7; this.alt=\'Click here to open new window\nCTRL+Mouse wheel to zoom in/out\';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor=\'hand\'; this.alt=\'Click here to open new window\nCTRL+Mouse wheel to zoom in/out\';}" onclick="if(!this.resized) {return true;} else {window.open(\'data/attachment/forum/dvbbs/2005-8/20058165381521146.jpg\');}" onmousewheel="return imgzoom(this);" alt="" />
譚詠麟出道30年，一直在樂壇屹立不倒，儘管他的過去與現在，都成為娛樂圈老生常談的事?，不過，要將他成功的歷程作一全面透視，卻是不可多見。 在這次真情訪問中，阿倫道盡他從一個怕醜仔，如何躍登為樂壇大哥大，也憑?一式阿Q精神，令他成為年年25歲的長青樹，更在鍥而不捨的跑步中，練就一股無敵的勇氣，他的成功，既有人力的血汗，也有上天的福賜，演繹出一章凡人的傳奇故事，活活脫脫就像是《阿甘正傳》的另一個真實版本。譚：譚詠麟 陳：陳小芝
陳：阿倫你點樣可以保持經常都咁開心？
譚：凡事只向好方面諗囉，阿Q精神好緊要。
陳：係咪屋企環境影響？
怕醜仔：蛻變
譚：其實我都唔明白，我屋企有兩個家姐三個妺，我自小就好怕醜，連陌生人電話都唔敢接，呢個情況直到出?（社會）做先改善，所以我點都估唔到自己可以企上台唱歌，仲可以同陌生人傾偈。
陳：記得多年前你做電視節目《溫拿狂想曲》時，你講了一個關於游水遇到鯊魚的笑話，聽到現場的女觀眾幾次尖叫，是你自己度的橋嗎？
譚：梗係讀稿啦，我諗一定係白癡黎（無?前製作人黎文卓被好友們的暱稱）寫的，唔係點會咁白癡！哈哈哈！
陳：當年你?溫拿樂隊好Yeah，成日俾女Fans哄住，心態會係點呢？
女仔堆：心定
譚：所以要定力好好囉，哈！其實當時我?只係鍾意反斗、鍾意玩，都冇將心思花女仔身上，況且我?唔多使去追女仔，女仔自然會?識我?。
陳：覺唔覺得溫拿影響都幾大，好多人唔知道歌原來有原唱，只知道係你?唱？
譚：咁就真係要多謝Uncle Ray，佢係最早一個播外地音樂的節目主持，我?溫拿陣時酒吧唱，一百蚊一次，因為酒吧好多鬼佬，所以我?成日去問Uncle Ray?貼士，睇下邊首外國歌Hit就唱，我?一晚可以賺千幾蚊，以當時?講，千幾蚊好緊要！
家底好：捱窮
陳：屋企人點睇你做樂隊？
譚：老竇好唔鍾意，佢覺得呢個（樂隊）係飛仔行為。
陳：咁有冇試過以經濟封鎖?禁止你再做？
譚：冇！一向都冇俾錢，我以前讀官立小學，屋企試過連五蚊學費都交唔出，所以我好早已經識得錢的重要性。我屋企本來好有錢，老竇好多年前已經澳門開間四層高酒樓，後來老竇做代表去英國踢精英足球賽，當時要坐船去，足足去了年半先返到?，而我阿媽當時懷住我第二個妹，佢負責坐櫃面，點知貨就前門抬入?，後門俾人抬出去，間酒樓就咁俾人詭晒，其實我阿媽外家邊又係地主，真唔明白點解後來會咁辛苦！
搵真銀：溫拿
陳：你生活到幾時先開始安穩呢？
譚：二十幾歲啦，最初組樂隊賺唔到幾多錢，到溫拿先真正賺到錢，我人生的第一個一百萬就係溫拿時賺的，當時我仲用二十七萬買南豐（?魚涌南豐花園，阿倫一直視為發?屋，至今仍保留），仲買五間。
陳：一次過畀現金？
譚：供！因為我成日聽人講話買樓可以保值。
陳：比起溫拿其他成員，你係咪最識買樓投資的一個？
譚：睇你點睇啦，總之辛苦錢?。
陳：溫拿之後，你的發展更成功，可以一隻碟有四五首Plug歌？
一隻碟：8Plug
譚：錯啦，係8Plug呀，《霧之戀》咪係囉，你要知我係個幾咁勤力歌手先得，我試過一季裏面有十三首新歌上榜，每個星期我都度為新歌拍緊MTV。
陳：但依家樂壇再冇呢個景象，會唔會覺得自己睇住個世界改變呢？
譚：依家樂壇新人太多了，有人做出?成功，其他人就以為咁做都得，唔識唱歌?，有形象搭夠，出?拍?廣告、拍?電影咪得囉，呢種情況可能有一兩個會得，但唔可能個個都得。依家有歌手唱唔到Live（現場），好大鑊，佢?好恐懼，個心態係點去應付首歌，唔係點去唱首歌，唱完之後，好！冇事，咁就算。
人控咪：信心
陳：當今新人你比較睇好邊個？
譚：女陳菀之、衛蘭，男側田啦。
陳：我曾經聽製作人講過，都係同一支咪?，點解第一晚阿新人唱會唔知佢唱乜，第二晚阿倫唱會好清晰呢？你有冇入咪秘技傳授畀後輩？
譚：信心囉。點去控制支咪都好重要，一般?講距離個嘴四至六吋，如果現場環境嘈就拉近兩吋，仲有，把聲要從個肚度唱出?，因為肚出?聲係直接入咪，用喉嚨到肺聲會散，唔係首首歌都?。
陳：你點去保持自己狀態？
不怕苦：事成
譚：跑步啦，我跑步量好大，因為我明白當做緊一件好辛苦事，前面一定係有我會得到，如果連咁辛苦都做唔到，又點去?前面個成果呢？所以我專揀中午、中暑高危期去跑步，係好辛苦，但我同自己講，有咩咁大不了?，台上面對仲多啦，咁都克服唔到，點企上台呀？最好笑係有時會遇到警察跑步，佢?見我咁跑得，會話「譚詠麟都跑得快過你，你?點追賊呀﹖」其實佢?有所不知，我係經過長時間訓練出?。
陳：你呢種心態年輕人應該好好學習，有時聽佢?打電話?點唱，佢?會話「我會考一定唔得啦」，但問到佢?有冇盡過力﹖佢?竟然話冇喎！
任人笑：獨醒
譚：係囉，依家人太多怨天尤人喇。你問我跑步時有冇想過放棄﹖人一定會有想放棄時候，但咁易放棄就一定唔會做得好。我呢個信念教過好多人，陳奕迅呀，四大天王呀全部教過，我叫佢?出去跑步，一邊跑一邊唱歌，唔使怕人笑，咁少人笑都怕，點台上面對萬幾人呀﹖總之唔好理人，今日當你係?，聽日就會起身為你拍手！
陳：你咁勤力，?覺時間多唔多？
譚：一日四個鐘你話多唔多﹖自從出道至今我都係一日?四個鐘，?得多我會覺得好，但我患有「中重度後台抑鬱症」，哈哈，即係如果要我好嚴肅咁坐後台等，又冇人同我傾偈，我好自然就會??。
陳：講番你個「譚詠麟歌者戀歌濃情30年演唱會」，溫拿都會做嘉賓﹖
蒙古裔：遺傳
譚：會，佢?尾場會?，仲有韓紅，韓紅要求唱搖滾，本來佢提議唱《傲骨》，但我叫佢唔好咁辛苦，幫佢揀首《一樣的月光》，依家就要跑多練氣啦，之前拉傷腳，所以要做番多補數。
陳：最近我?公司做個調查，原來OL（白領麗人）最鍾意你首《愛的替身》，男人就最鍾意唱《半夢半醒》。
譚：唉呀，演唱會我仲cut《愛的替身》添，得得得，等我加番落去先。
陳：阿倫，其實阿媽都好鍾意你，佢話當年睇溫拿，你個樣係生得特別鬼仔，你係咪隔代遺傳?混血兒？
譚：我都問過阿媽好多次，佢話我應該有十六分之一或者三十二分之一蒙古血統，即係鐵木真呀、忽必烈佢?呢，哈哈哈﹗
食物焚化爐 吃屎又何妨
阿倫有名「食物焚化爐」，只要放得入口的都吃，甚至連屎都……
陳：講到食，你好似出晒名乜都食喎？
譚：係呀，所以依家好慘囉（為演唱會），雖然唔使戒口，但唔敢食咁多。
陳：你有咩係唔食?？
譚：有一樣，就係原粒生蒜，食親都會嘔，可能係陰影，以前細個，阿媽成日餵我食生蒜，話可以殺菌，每次有病就食蒜，每次我都嘔，可能咁依家都食唔到。
陳：真係乜都食？
譚：如果屎炸得?係香?……哈哈哈！我唔怕臭，蒸臭豆腐臭到「冤」我都覺得好好味，但有一次我就輸了，?次去北京，有人打賭叫我食臭冬瓜，佢?話臭冬瓜臭過臭頭腐，我唔信，點知試完之後個肚「悶」足四日，因為臭冬瓜係一「Pat」?咁，?味嗡住嗡住，要啜晒佢，真係聞到都想死！
《假如我是真的》奪獎
《君子好逑》喊打林嶺東
在電影上，阿倫最成功是早年拍的《假如我是真的》，為他帶來金馬影帝獎，但原來為他留下最深「印記」的，卻是林嶺東的《君子好逑》。
陳：會唔會再拍一部類似《假如我是真的》的電影﹖
譚：好難咯，要有咁?老細投資唔容易，其實呢部戲唔單止贏金馬，仲?柏林影展得到「最佳電影」獎，可惜當時冇代表過去?獎，都係後來先知番，不過我知道老闆應該唔使蝕錢，因為部戲做?學校教材，賣畀學校的拷貝都一千七百幾個。
陳：你知唔知你當年拍戲撞崩牙，成為我?學校?大事件﹖
譚：呢件事真係好笑，當時係83年，我拍林嶺東?《君子好逑》，有一場戲要我倒樹蔥同個300磅?大肥佬做戲，但拍到第四次失手，我撞崩牙兼傷?個鼻，依家個鼻樑凸出??節就係咁?，但當時四日後我要去日本宣傳第一張唱片，所以我嬲到?片場大聲嗌「林嶺東你出?﹗」一拳拳咁打落?車度，打到??聲，但叫?個半鐘都搵佢唔到，哈哈﹗我諗林嶺東呢世人最驚就係呢個半鐘。
陳：你向來好好脾氣，好少咁嬲喎﹖
譚：係呀，因為我講?第三個take已經OK，但佢係都要再拍，結果出事啦，不過後來冇事了，早前佢仲同我踢波添。
三五成群冇分界限
陳：就係咁你好多朋友﹖
譚：係呀，我??屋?長大，對人係冇分界限、冇分大細?，我自小就鍾意群體生活，?時住幾百呎屋?，最鍾意叫晒?朋友返屋企玩，有時叫成二十幾個，最好笑係當中有六七個一堆，四五個又一堆，佢?又未必同另一堆傾得埋，只不過我想見晒佢?先叫晒返?，唔夠坐就坐出冷巷，食飯一人一碟坐出冷巷食，好開心。 |
|
IP卡
狗仔卡
发表于 2005-8-16 05:40:46
提升卡
置顶卡
沉默卡
喧嚣卡
变色卡
显身卡
发表于 2005-8-16 08:58:03
发表于 2005-8-16 08:59:51
发表于 2005-8-16 12:19:32
